This page has been proofread.
Solomé.
Cun las compagnas t'hest vanteda
D'avair do'l gierl a nos nuder;
O tü manznedra melprüveda,
Ch'ais mê quel nar chi't voul spuser!
Predichant e culuoster.
Ün predichant al vegl culuoster dschaiva:
»Que ais bain greiv duos voutas il predger!«
Sün que'l culuoster spert al respondaiva:
»»Auncha pü greiv duos predgias da tadler!««
Ün bun cussagl.
Duonna Fandrina tschercha, tschercha
Per sa figliett' ün brav compagn
Ed ais con ell' adün' in tras-cha
E frequentescha ogni bagn.
Ma d'applicher üngün giavüscha
Vi ün ogget gio d'moda taunt.
Che fer cun tuot? O, mamma chera,
Ta figlia poust tü saler aint!
