This page has been proofread.
»Prompt vos maun ad ogn' event
Conservè adüna!
Cunter l'arma del potent
La valleda üna!«
»Dasper vus he miss mieu trun,
Dieu il construiva;
L'atterrer nun po chanun,
Be discordia viva!«
»Ma bandera ho'l signel
Da redenta era;
Benedida füt dal tschel,
Nell' eterna sfera!«
E la chera, dumandais,
Cu la cher' as clama?
»Liberted«, Engiadinais!
Ella saimper ama!
Avuost 1882.
Alla muntagna.
Alla muntagna, alla muntagna!
Mieus chers amihs, ün stu partir!
Vaira leidezza ans accompagna,
Da bellas mattas il dutsch sorrir!
