This page has been validated.
Il daner e l'onur.
»Daner! daner, del Svizzer ais la brama;
Dandet el smauncha tuot per il daner!
Pü d'ogni chosa il daner el brama;
Del bel metal il cling il fo susder!«
Quetaunt superb Frances a Svizzer dschaiva:
»E nus bramains, amains be vair' onur
La grand' armed' al muond inter mussaiva
L'arsainta brama del Frances: l'onur!«
Sün que il Svizzer dschet: »»Que ais bain vaira
Ch'ün brama saimper que chi soul mancher!
Nus lavurains dall' alba fin la saira,
Il paun d'imminchadi per guadagner.
Invaun tscherchais l'onur ch'adün' exista
Sül munt, nel plaun e da noss lejs in vista.
1867.
