This page has been validated.
Sajast buna! Tuot co s'ama;
Am' il prossem sco te stess!
Od il pled da chi chi't ama,
Da chi paina, ais oppress!
Il rösedi larmas duna
Alla flur in di arsaint;
Dun' eir tü e sajast buna
Vers chi ais da tuot manchaint.
Ün sorrir a me consainta,
Buna sajast eir con me!
Vers da te mieu cour s'alvainta
Sco la flur s-chanted' usche.
Sajast buna! o ma bella,
Salva'm tü tres tia bunted!
Di'm: »Eau t'am« a ta favella
S'evr' ün muond d'serenited.
4 Meg 1868.
