This page has been proofread.
Banduna il rasté!
Dad our il chod opprima;
Intuna co tar me
D'amur la prüma rima!
Ün bütsch, ün bütsch sonor
Resun' in la stüvetta;
La mamma sdasda our;
Surpraisa la figlietta
Disch: Mamma, vus avais
Dormieu be cuort' urella!
Eau füt sdasded' our d'pais,
Tres schlop d'üna padella!
La figlia in chadafö
Vo, tschercha la padella,
Per zoppanter il fö
Chi arda sa massella!
