This page has been proofread.
Nun hest tü mê amo?[1]
Nun hest tü mê amo? Allur', pürmemma,
Est sfortüno sün terra pellegrin;
Nun hest contschieu quella costaivla gemma;
La flur pü bella del umaun zardin,
L'amur?
Nun hest vivieu aint in orma chera?
Nun hest vivieu in ün sulet accord,
Sco vivan fluors unidas sün ün' era
E be divisas vegnan tres la mort?
Dolur!
Allur' per te la vita non füt vita;
Nun hest amo? Quaunt pover est tü mê!
Sco salsch plandschant est tü, sün era mütta,
Sulet, smancho, cridand sül fraid vasche
D'amur.
- ↑ Poesia coruneda al Concuors letterari internaziunel (Jeux Floraux de Provence) a Forcalquier als 15 Meg 1882.
