This page has been proofread.
El mir' il golfo, chi davaunt as stenda
Da pumpa pü cu rera fat perfet,
Quel panorama da belted stupenda,
Ais la richezza chi ho quel povret!
El ais containt! Beo ais chi's containta
Da que cha la natür' a tuots consainta!
17 Gün 1867.
La schlitteda.
II tschel ais pür. D'ün alv linzöl vestida
Bellissm' al sguard appera nossa val;
Ad ir in schlitta l'ora bell' invida .....
O profittè, mieus chers, del carneval!
Da Zuoz as mouva üna grand' schlitteda
Con sun, sunagls e montüro forrier,
Immincha schlitta richamaing orneda
Cun damas bellas, ch'ün nun po smancher!
Pompus chavals, superbamaing resaintan,
Cha lur patruns pompaggian in quaist di,
Cun granda grazcha lur bel cho movaintan
