This page has been proofread.
A ........
Tieu sguard am disch cha tü est mia
E mia sarost infin la mort!
Nun dir, nun dir, poët, cha quia,
Te confinet la mela sort!
Scha sco madrastra la fortüna
Me ho tratto, nun vögl crider;
O bain felizi scha adüna,
Eau vez tieu sguard divin briller!
O poch dumanda, tü ameda,
Quaist cour cha tieu ais saimper sto,
Be ün sorrir, be ün' öglieda,
Il faun felizi e beo!
12 Marz 1869.
