48 Nuftgo olmuš son læ, gutte vieso huvsi, ja čiegŋalassi ravoi, ja vuođo bavte ala bijai; mutto go dulvve šaddai, de čacek dam vieso ala botte, mutto æi dam likatet vægjam, dastgo bavte ala vuđđuduvvum læi.
49 Mutto gutte gulla, ja i daǥa, nuftgo olmuš son læ, gutte ædnami, alma vuođotaǥa, viesos rakadi, ja dulvvečacek botte njeig, ja dallanaǥa dat gačai, ja dam vieso gaččam stuores šaddai.
7. Kapittal.
1 Mutto go buok sanides son loaftam læi olbmui guladedin, de son Kapernaum sisa manai.
2 Ja muttom oaivveolbma balvvalægje, gæn son rakisen ani, buoccemen ja jabmemen jo læi.
3 Mutto go son Jesusest gulai, de muttomid Judalaǯai vuorrasin su lusa son vuolgati, ja rokkadallai sust boattet, ja su balvvalegje buorredet.
4 Mutto go si Jesus lusa botte, de si saggarakkan sust adnogotte, ja celkke: læ galle ansašam, atte don sunji dam daǥak.
5 Dastgo min olbmuid rakisen son adna, ja synagoga migjidi bajasdakkam læ.
6 De Jesus singuim manai, mutto go dal i šat læm gukken vieso lut, de oaivveolmai muttomid ustebines su ouddi vuolgati, ja sunji cælketi: hærračam, ale vaived ječčad! dastgo im læk dokkalaš, atte don muo rove vuollai manak.
7 De damditti im ječčam dokkitam du ouddi boattet; mutto cælke oft sane, de muo balvvalægje buorreduvvu.
