kadallam varas, nubbe pharisæalaš læi, nubbe tuollar.
11 Pharisæalaš čuoǯasti oftonessi, ja rokkadallai nuft: mon gitam du Ibmelam! go mon im læk nuftgo ærra suddogasak, rievvarak, værralaǯak, furušægjek, daihe nuftgo dat tuollar.
12 Guoft gærde vakkost borakættaivuođa mon anam, loǥadas mon addam buok mu æloinam.
13 Ja tuollar viek gukken čuoǯoi, ja i vela čalmides son aiggom bajasbajedet alme guvllui; mutto raddides son čormadi, ja celki: Ibmelam, læǥe munji suddogassi armogas!
14 Mon cælkam digjidi: dat vanhurskesabbun vuolas manai goattasis go dot; dastgo gutte ječas aled, vuolleduvvu, ja gutte ječas vuolled, aleduvvu.
15 Mutto si gudde maida ucca manačid su lusa sust guoskatuvvut; mutto go mattajægjek dam oidne, de si šiggogotte sin.
16 Mutto Jesus daid lusas gočoi, ja celki: addet ucca mannačid muo lusa bæssat; dastgo Ibmel valddegodde daggaraǯai læ.
17 Duođai mon digjidi cælkam: gutte Ibmel valddegodde i vuosstaivalde nuftgo manna, i eissegen dam sisa boađe.
18 Ja muttom oaivamuǯain sust jærai, ja celki: buorre oapatægje! maid daǥam mon, vai aǥalaš ællem mon arbim?
19 Mutto Jesus sunji celki: manne buorren muo gočok? I oftage buorre læk, æreb go Ibmel.
20 Don dieđak bakkomid: ik galga furušet; ik galga goddet; ik galga suoladet; ik galga værre duođaštusa cælkket: gudniette aččad ja ædnad.
