10 Mutto son celki sodnuidi: gæč, boađededin gavpug sisa de olmuš dodnu audald boatta, gutte čaccelitte guodda; čuovvo su vieso sisa, gosa son sisa manna.
11 Ja cælkke vieso isedi: oapatægje dunji cælket: gost læ visste, gost bæssači labba oaǯom borrat mattajegjidamguim?
12 Ja son čajet dodnuidi stuorra stuopo, mi jo lageduvvum læ; dasa rakadække.
13 Mutto soi manaiga, ja gavnaiga nuftgo son læi cælkkam; ja soi rakadeiga bæssači labba.
14 Ja go aigge bođi, de son čokkani, ja guoft nubbe lokkai apostalak suin.
15 Ja son sigjidi celki: saggarakkan mon læm halidam dam bæssači labba dinguim borrat, auddal go mon gillagoađam.
16 Dastgo mon cælkam digjidi, atte im eisegen šat dast bora, auddal go dat Ibmel valddegoddest ollašuvvu.
17 Ja son valdi gæra, giti ja celki: valddet dam, ja juoǥadækket gaskanædek;
18 dastgo mon cælkam digjidi, atte vidnemuora šaddost im mon juǥa, auddal go Ibmel valddegodde boatta.
19 Ja son valdi laibe, giti ja doagjali dam, ja addi sigjidi, ja celki: dat læ muo rumaš, dat, mi din audast addujuvvu; dam dakkat muo muittem ditti.
20 Nuft maida son gæra valdi, maŋŋel go mallasid si legje borram, ja celki: dat gærra læ dat ođđa testament muo varai sist, mak din audast golgatuvvujek.
