sist di goddebættet ja russinavllibættet, ja muttomid synagoginædek di rissebættet, ja baikest baikkai sin doarotæppet;
35 vai buok dak vanhurskes varak din ala boađasi, mak ædnam ala golgatuvvum læk vanhurskes Abel varai rajast, Sakarias Barakias barne varai ragjai, gæn tempal ja altar gasski di goddidek.
36 Duođai digjidi cælkam, dat buokrakkan dam sokkagodde ala boattemen læ.
37 Jerusalem! Jerusalem! gutte prophetaidad goddak, ja sin geđgiguim sormik, guđek du lusa vuolgatuvvum læk, man davja datušim mon čokkit manaidad, nuftgo vuonces čivgides soajaides vuollai čokke? ja æppet di dattom.
38 Gæč, viessodek digjidi avden guđđujuvvu.
39 Dastgo digjidi cælkam: dam rajast æppet di muo oaine, auddal go di sardnogoattebættet: buristsivneduvvum, gutte hærra nabmi boatta!
24. Kapittal.
1 Ja Jesus vulgi, ja tempal sist manai; ja su mattajægjek su lusa botte tempal rakanasaid sunji čajetet.
2 Mutto Jesus sigjidi celki: æppetgo di oaine buok daid? duođai digjidi cælkam: gæđgge gæđge ala i baccemen læk, mi ædnami i šadda njeidujuvvut.
3 Mutto go oljovarest čokkamen læi, de su mattajægjek sieranessi su lusa botte, ja celkke: cælke migjidi, goas dappatuvva dat? ja mi læ mærkkan du boattemest ja mailme loapast?
4 Ja Jesus vastedi, ja sigjidi celki: varotækket