Nahinumdum ka?
Dili kadto usa ka gabiing dulum, mangitngit; dili... Usa kadto ka gabiing bulanon, nga ang kahayag ngani sa Bulan dariyot mahisama sa kahayag sa Adlaw, nga nagadan-ag, nagaiwag kanatong duha, sa taliwala sa imong tanaman, diin ang mga halok mo ug ang mga halok ko maoy naghari niadtong gabhiuna; nga ang hangin ngani-tungud sa iyang kalinawng walay timik-daw ingon sa mahikatulog sa halum nga paghinanok... Dili kadto usa ka gabii sa kasakit, sa kasub-anan; dili... Mao kadtoy usa ka gabii sa himaya, sa kalipayng langitnon ug sa mga katawang matam-is, nga, sa taliwala ngani niini, daw miduyog kanato ang Bulan sa atong mga pagmaya, ug ang mga bulak―kadtong mga nanaglibut sa atong kiliran ― nanagsabwag sa ilang balsamonhong kahumot: tanan aron lamang gayud pagduyog
