ni Fray Damaso na lAlong hominalangkaw su tingog asin hinampang na gayo su teniente. “! Sinabi ko na an boot kong sabihon! An muya kong sabihon iyo na kun hinahalé nin sarong cura sa saiyang campo santo an bangkay nin sarong hereje, daing may katanosan na siisay man dawa pa an hadé, sa pakilabot, orog pa ngani sa paggawad nin mga padusa. Diyata sarong horoheneral, sarong horoheneral...! Abaa nang kamangmangan...!”
“Padre, an Saiyang Kahalangkawan, Vice Real Patronio ” nagkurahaw su militar na kanayon tominindog. “!Anong Kahalangkawan, anong Vice Patrono!” an simbag kan franciscano na tominindog man. “Kaito magogoyod siya sa hagyan pasiring sa ibaba arog kan ginibo kan mga Corporaciones sa maliwag na si Gobernador Bustamante. An mga panahon na ito talagang panahon nin pagtubod!”
“Pinapatanidan taka na dai ako matogot...! An Saiyang Kahalangkawan kinatawan kan Saiyang Kamahalan, an Hade! ”
“!Anong hadé, anong lamasdi! sa samo dai nin ibang hadé kundi an tunay....”
“!Ontok!” an mapanghareng (14) kurahaw kan teniente na baga iyong pinagsasabihan su saiyang mga soldados; “o bawion mo ano man na saimong sinabi; o noodma mansana itao kong pakaaram sa Saiyang Kahalangkawan!”’
“Ngunyan na ngunyan pomaduman ka! ” an mapagtuyatuyang simbag ni Fray Damaso na rominani gogom su magibong na kamot. “Naghohona ka na huli ta ako may habito, magkukulang ako nin... ? Solong, pasublion ko pa ika kan sakong lunadan ”
Nagluluwas nang makangingisi an siring na pangyari, marhay sana ta nakilabot su dominico.
“!Mga kaginoohan!” an sabi sa mapangyaring daging nin tingog asin sa tingog na nagluluwas sa dongo na angay na gayo sa mga fraile; “dai sukat ikaribaraw an mga bagay, dai man dapat hanapon an kalapastangan sa dai namumugtakan kaiyan. Sa mga katagang sinabi ni Fray Damaso kaipuhan na satong laenon an sa tawo asin an sa padi. An tataramon kaini, sunod sa siring na kamugtakan, dai nanggad makakataong kakologan sa boot, tara, gikan na gayo sa katotoohan. An
