12 At kaibat na ning pangaugse ra Babilonia, i Jeconías ayanak ne i Salatiel; at i Salatiel ayanak ne i Zorobabel;
13 at i Zorobabel ayanak ne i Abiud; at i Abiud ayanak ne i Eliaquim at i Eliqanim ayanak ne i Azor;
14 at i Azor ayanak ne i Sadoc; at i Sadoc ayanak ne i Aquim; at i Aquim ayanak ne i Eliud;
15 at i Eliud ayanak ne i Eleazar; at i Eleazar ayanak ne i Matán; at i Matán ayanak ne i Jacob;
16 at i Jacob ayanak ne i Josè a asawa nang María, a kaniti ya mibait i Jesús, a ausan dang Cristo.
17 Nanupata ding pipunpunan na manibat kang Abraham angga kang David, labi lang apat ding pipunpunan na; at manibat kang David angga king pangaugse ra Babilonia, labi lang apat ding pipunpanan na; at manibat king pangaugse ra Babilonia, angga kang Cristo, labi lang apat ding pipunpunan na.
18 Dapot ing pipunpunan nang Jesu-Cristo makanyan a pangapalyari: A inyang i María a keang Indu mekitangu ya kang Josè, bayu la miabe, mabuktat ne, king lalang ning Espiritu Santo.
19 Kanita pin i Josè a asawa na, antining tau yang bamal, at e na pin buri ing mibulalag ya puri, binalak nang kawanyan neng lihim.
20 Dapot kabang isipan na iti, oini, ing metung a angel ning Guinu pepataguimpan ya kea, sinabi na: Josè, a anak nang David, e ka magsalupsupan tanggap kang María a kekang asawa uling ing atinng kabuktut na, lalang ne ning Espíritu Santo.
21 At manganak yang metung a lalaki; at palaguinwan meng Jesus: uling ya ing manatbus king kasalanan na ning keang balayan.
22 At ing keganaganang iti mepalyari ngan bang matupad ing sinabi na ning manula, ngana: 23 ¡ini ing dalagang alang bakas mabuktut ya,
- at manganak yang metung a lalaki!
- at mipalaguiuwan yang Emmanuel;
a ing kabaldugan na: Ing Dios atiu kekatamu.
24 Kanita pin i Josè pangaguising na, depatan na ing inutus na kea ning ángel ning Guinn, at tinggap no ing keang asawa ;
