22 Dapot aku asabyan ku kekayu; ninuman itang mimua king kapatad na, mistulan ya; at ing sumabi king kapatad na: ¡Alang balu! miatulan ya king Concilio; at ing sumabi kea: ¡alang isip! miparusan ya king spi king infierno.
23 Uli na niti nung idurup me ing ain mu king altan, at karin mu aganaka king ing kapatad mu atin yang sukal a lub keka;
24 lakuan me karin ing kekang ain king arap ning altan, at muli ka; makikasundu kapamu king kapatad mu, at panyat- ang mu pin, idurup me ing kekang sin.
25 Makikasundu kang agad king kasalang mu, kabang abe me king dalan; amagkang ing kekang kasalang ibie na ka king okum, at ing akum ibye na ka king manibala, at midala ka king sukulan.
26 Ing katutuan sasabyan ku keka king e ka milako karin, anggang e ka makabayad king katataulian a utsabas.
27 Dimdam yn king mesabi: E ka makipangatawan king e mu asawa,
28 Dapot aku sasabyan ku kekayu, a ninuman ing lumawe king metung a babai a magdalang pamangaibugan, antine mong mekipangatawan kea king pusu na.
29 Inya pin nung ing mata mung wanan makabie yang pamikasala keka, dukitan me, at ilako me keka; uling mayap pang mawala ya keka ing metung a dake ning katawan mu, e mu ing mabilug mung katawan mingse king infierno.
30 At nung ing gamat mung wanan makabie yang pamikasala keka, potutan me, at iugse; uling inayap pang mawala ya keka ing metung a dake ning katawan mu, e mu ing mabilug mung katawan manabu king infierno.
31 Mesabi mu naman: Ninuman ing kawani king asawa na dinan neng kaustan king pamikawani ra.
32 Dapot kekayu sasabyan ku, a ninuman ing kawani king asawa na, nung e ya murin pepaliwas, ipasari na ing paliwas ya; at ing makiasawa king kewanian, mikasala ya king pamipaliwas.
33 Dimdam yu naman king sinabi ra karing minunang atu: E ka susumpa king kalaraman, nung e tuparan mu ing sumpa mu king Guinu.
