34 Dapot kekayu sasabyan ku: King makanumang bague e ko susumpa; aguiang king uli ning banua, aling yang laklakan na ning Dios:
35 aguiang king uli ning gaban, uling yang dalpakan da ding keang bitis, aguiang uli ning Jerusalem, uling yang ciudad na ning Aring matas.
36 aguiang king uli na ning buntuk mu e ka susumpa, uling e mu arapat ing metung anumang buak maguing maputi ya o matuling.
37 Inya ing kekong pamanyabi, Wa, wa; Ali, ali; uling ing miguit kaniti manibatan king marawak.
38 Dimdam yu king sinabi ra karing minuna: Mata libe mata, at ipan libe ipan.
39 Dapot kekayu sasabyan ku, king e ko bablas king pangaalipit; nung e bagkus, nung ating sumugat keka king pisni mung wanan, ipalad mea naman ing kaili.
40 At ing bisang makiamanu koka, at kunan ne ing imalan mu, ibie mea namn ing balabal mu.
41 At nung ating mamilit keka a papusan lumakad malibung kalakbangan (una milla), daptan mu ing adwang libu.
42 Dinan me ing manyawad keka; at ing bisang mandam keka e me gugulutan.
43 Dimdam yu king mesabi: Luguran me ing lupa mung tau, at pikasaman me ing kasalang mu.
44 Dapot kekayu sasabyan ku: Luguran yo ding kekong kasalang; purian yo detang kekayu malmura; daptanan yong mayap ding kekayu mua, at panalangin yo ding manirang puri kekayu at liligalig:
45 bang maguing anak na kayu ning Ibpa yung atin banua; uling ya pasikat ne pin ing keang aldo karing marawak at mayap, at mumuran karing banal at inakasalanan.
46 Uling nung luguran yo ding kekayu malugud, ¿nanung ablas a mike kekayu? ¿E mu naman makanyan ing daraptan da ding manyingil buis?
47 At nung ding kapatad yu ilang bukuda kekong atuan, ¿nanung iguit a depatan yu? ¿E mu naman makanyan ing daraptan da ding paganos?
48 Magpakabanal ko pin antino ing pangabanal na ning Ibpa yung at iu banua.
