4 O ¿makananu mung sabyan king kapatad mu: paburen me, palual ke ing paling king mata mu? ¡at o ini, ing kabwal king sarili mung mata!
5 ¡ Magbanal-banalan palual me pa ing kabwal king mata mu, at kanita masala yang akit mung ipalual ing paling king mata ning kapatad mu.
6 E yu babye ing banal a bague karing asu, at e yo yngse ding perlas arapan ding babi; ba rong e damusakan at uli ra reti arapan da kong panginisan.
7 Manyawad kayu, at mirinan kayu; manintun kayu, at manakit kayu; maus kayu, at mibuklatanan kayu.
8 Uling detang anggang manyawad, tanggap la; at ing manintun, manakit ya; at ing mamaus, mibuklatanan ya.
9 O ¿ninu ing tau kekayu, a nung adwanan neng tinape ning anak na, dinan nang metung a batu?
10 ¿O nang adwanan neng metung asan, dinan neng metung a ubingan ?
11 Nung ikayu pin mangarawak kayu, biasa kong magkalub karing anak yu, ¿lalu ne kasi i Ibpa yung atiu banua munye dakal a bagus mayap karing manyawad kea?
12 Inya pin itang anggang buri yung daptan da kekayu ding tan, ya namang daptan yu karala: uling iti yang kanulian na ning kautusan at ding manula.
13 Lungub ko king pasbul a makiput; uling maliwalas ya ing pasbul, ampon malapad ya ing dalan a mame king kasirau; at dakala ding lulub kea:
14 at uling makiput ya ing paabal, at makitid ya ing dalan a mame king bibe, at ditak la mu ding manakit kea.
15 E ko tiwala karing e tutung manula, a deti ayan da kayung maganin lang oveja, dapot king lub da lobu lang ganid.
16 King karelang bunga akilala yu la. ¿Anta gagtal ko waring uvas karing suksuk; o bigos karing sapinit ?
17 Inya ding anggang dutung a mayap makibunga lang mayap dapot ing dutung a marawak makibunga yang mara wak.
18 E malyaring mamungang marawak ing dutung a mayap, at ing dutung & marawak mamungang mayap.
