34 Dapot ding fariseos sasabyan da: Kayaba ne ing pekapun da ding demonios papalual karing demonios!
35 At lilibut ya i Jesús karing anggang ciudad, ampon nayun, tuturu ya karing sinagogas da, at panaral na ing mayap a balita ning kaarian, at pakayapan no king keganaganang sakit at king mialiwang kapanamdaman ding memalayan.
36 Dapot inyang akit no ding keraklan, melunus ya karela, aling malungkut la at pakasambulat, anti mong tupang alang papastul karela.
37 Sinabi na pin kanita karing keang alagad: Katutuan king ing dayami dakal, dapot ding papalut ditak la mu:
38 Panalangin yu ping mayap king Guinu ning dayami padala yang malut king keang dayami.
10 AT inaus no kanita ding labinangaduang alagad, dininan nong kayupayan karing espiritung marinat, barong apalual, at makapakayap king keganaganang sakit ampon miaaliwang kapanamdaman.
2 At ing lagaiu ra ding labing aduang apostoles, ila deni: Ing mumuna, i Simón, a ausan dang Pedro, ampon i Andres a kapatad na, i Santiago a anak nang Zebedeo ampon i Juan a kapatad na,
3 i Felipe ampon i Bartolomè, i Tomás at i Mateong publi- cano, i Santiago anak nang Alfeo, i Lebeo a palaguiuwan dang Tadeo,
4 i Sunón ing matupad, ati Judas Iscariote a mipamye kea.
5 Deting labing adua inutusan nong Jesús kaibat nong penabilinan, sinabi na: E ko mame king dalan da ding gentiles, at e ko lulub king ciudad da ding tau Samaria;
6 nung e lalung mayap ume kayu karing tupang menga- wala king bale ning Israel.
7 Ume ko pin at manaral, ngayu: ¡Linapit na ing kaarian banua !
8 Pakayapan yo ding salunan, biayan yo ding mete, linisan yo ding leproso, palual yo ding demorio; Tinggap yang alang bayad, ibya yung alang bayad.
