28 Ing katutuan sasabyan ku kekayu: Ating mapilan karing atin keti, a e ra aburi ing kamatayan, anggang e re akit ing Anak ning tau datang ling kaarian na.
Ing pamibayung aske.
17AT kaibat ning anam a aldo tiki neng Jesus i Pedro, at i Santiago, ampon i Juan a kapatad na, at dela no king metung a bunduk a matau at makakawani;
2 at minalis ya sako king arapan da: at minlag ye ing lupa na antimo ing aldo, at ing imalan na meputing antimo ing sala.
3 At oini, pepakit la karela in Moises ampon i Elias, maki- sabi la kea.
4 At minyabi ya kanita i Pedro, ngana kang Jesus: ¡Guinu, mayap ing tuknang tana keti! nung buri mu, gawa ke keting atlung kubu ; metung keka, metang kang Moises, at matung kang Elias.
5 Manyabi ya mu, inyang, oini, ing metung a biga ning sala selilungan na la; at, oini, ing metung a siwala linual ya king biga at sasabyan na: ¡Iti yang Anak kung kaluguran, a kea atu ing tula ku! ¡Pakiramdaman ye!
6 At inyang damdaman da iti ding alagad, mengasubsub la at bine lang mitakutan.
7 At i Jesus lepitan no kanita, tigkil na le, at sinabi na: Talakad kayu, at e ko tatakut.
8 At inyang itas do ding mata ra, ala nong ikit nung e na mu bukud i Jesus,
9 At inyang kukuldas no king bunduk, inutus nang Jesus karela, ngana: E yu sasabyan kenuman ing ikit yu, anggana king ing Anak ning tau e ya subling mie libutad ding mete.
10 At ding alagad kitang da kea, ngara: ¿bakit pin sasabyan da ding escribas king dapat yang datang muna i Elias?
11 At kanita mekibat ya, sinabi na: I Elias king katutnau datang ya, at yang subling lumarin king keganagana.
12 Dapot aku sasabyan ku kekayu king dinatang ne i Elias, at e re akilala; bagkus da pang depatan kea ing anggang buri ra, Makanyan mu naman ing Anak ning tau karela yang pasakitan.
13 Kanita pin ding alagad atalastas da king i Juan a Maminyag yang sasabyan na karela.
