26 Kanita pin ing alipan, siniklaud ya karing bitis na, pakisabi nang mayap kea, ngana: ¡Guinu, pibatan mu ku, at bayaran ku ngan keka!
27 Kanita ing guinu ning alipan, king pangalunua na kea, pepaburian na ne, at pepatawad, na kea ing utang na.
28 Dapot panlako na nita muring alipan a ita, asalubungan na ing abe nang alipan a makiutang keang dinalan a denario, at telanana kanita, sasakalane batal, maabyana: Mamayad ka king utang mu kaku.
29 Kanite ing abe nang alipan siniklaud ya karing bitla na, pakisabi nang mayap kea, ngana: Pibatan mu ku, at bayaranan da ka!
30 Dapot ya e mabie; nung e meko ya at pepadala na king sukulan, anggang e mekapamayad.
31 Inyang akit da pin ding abe rang alipan ing milyari, bina lang mikasbu, at meko la kanita, sinabi ra king guinu ra ing anggang mepalyari.
32 Kanita, pepayaus ne pin ning guinu na, sinabi na kea: ¡Alipan a marawak! pepatawad ku keka ing anggang utang mu, aling mekisabi kang mayap kanaku :
33 ¿e ka pin dapat malunus king abe mung alipan, antimo ing pangalanus ku keka?
34 At mitatau ya kanita king mua ing guinu na, binye'ns karing pasakit, anggang e na abayaran ing utang na.
35 Makanyan mu naman ing daptan na kekayung lbpa kung atin banua, nung king pusu ya e ne patawaran ning metung at metung ing kapatad na.
Ing pamikawani ding misawa.
19AT milyari s inyang i Jesús a pupus nana iting pamanuru, meko ya Galilea, at mine ya king sakup ning Judea, dinalan ya kangatba ning Jordán.
2 At tikian de ding dakal a tau; at pepakayapan no karin ding salunan.
3 At linapit la kes ding fariseos, tutuksuan de, at ngara : ¿Dapat king lalaki ing kawanyan ne ing asawa na king sablang kasangkanan?
* Dinalari a denació alagang athung pulut,t, athing perks,
