9 uling ing angüentung iti apisali yang mal, at miabie karing kalulu.
10 Dapot i Jesús magumasid ya kanila, sinabi na karela: ¿ Bakit ilingasngasan ye yang babai? mayap naman ing depatan na kanaku.
11 Uling kayabe yong parati ding kalulu; dapot aku e yu ku akayabe parati.
12 Uling pamamulus na king katawan ku king ungüentung iti, depatan na bang isadya na kanaku king kutkutan.
13 Ing katuluan sasabyan ku kekayu, king nukarin paman iting evangelio mipanaral ya king meto yatu, karin man ing depatan na ning babaing iti misalita king kapigaganakan kea.
Ing abli king kataksilan: Ing tauling pasku ;
Ing bunal a pamапарun.
14 Kanita ing metung karing labingadwa, itang ausan dang Judas Iscariote, mine ya karing pun ding sacerdotes,
15 at sinabi na: Nanung buri yung ibie kanaku bakeng ibie kekayu? at tinimbaug do kea ding atlung pulung salaping pilak.
16 At manibat pin kanila menintun neng mayap a paralan baneng apamie.
17 King mumuna nang kayakdawan karing Azimos, linapit la kang Jesús ding alagad, ngara: Nukarin ing buri mung isadya ra ka bakang mangen king pasku?
18 At ya sinabi na: Ume ko king ciudad, ketang matung a tau, at sabyan yu kea: Ing macstro sasabyan na : Ing kayaldawan ku malapait na; king bale mu karin ku pagmarusian ing pasku abe ko ding alagad ku.
19 At ding alagad depatan da itang inutus nang Jesús karela, at sidya ra ing pasko.
20 At inyang mira na ing gatpanapun, ya mighilig ya king dulang at abe no ding labing adwang alagad.
21 At kabang mamangan la, sinabi na karela: Ing katutuan sasabyan ku kekayu, king ing metung kekayu ipamye na ku.
22 At ila bina lang melungkut; at balang katau migmulang ainabi ken: ¿Aku kaya, Guinu? .
