10 At inyang pangasaka na king danum, ikit nong mebuk- lat bigla ding banua, at ing Espíritu, & miganyung patipati, kukuldas ya tulid na.
11. At dinatang ing siwala karing banua, ngana: | Ika ing Anak kung kaluguran; atiu keka ing tula ku!
12 At agad neng dela ning Espiritu king ilang.
13 At karin ya king ilang apat apulung aldo, at tiksuan neng Satanás; abe re ding animal a mabagsik; at susuyuan de ding angeles.
Pangayaus ding minunang alagad.
14 Inyang i Juan masukul ne, mibalik ya Galilea i Jesús, panural na ing evangelio ning Dios,
15 at sasabyan na: ¡metupad na ing pansun, at linapit na ing kaarian ning Dios: sumisi kayu, at salpantaya kayu king evangelio.
16 At inyang dadalan ya king lele ning dayatmalat ning Galilea, ikit ne i Simón at i Andres a kapatad na a babaldug de ing karelang lambat king dayatmalat; uling ila mamalakaya la.
17 At sinabi na karalang Jesús: ¡ Tuki ko kanaku, at gawan da kong mamalakaya karing tau.
18 At kanita murin, likuan do ding palakaya ra, tinuki la kea.
19 At milaut yang ditak, ikit ne i Santiago anak nang Zebedeo at i Juan a kapatad na, deti atilu king karelang bangka, lalarinan do ding palakaya.
20 At inaus na la: at ila likuan de king bangka i ibpa rang Zebedeo, & kayabe ra ding makikiupa, at, tinuki la.
Pamipakayap king makidemonio karin Capernaum.
21 At linob la karin Capernaum; at inyang aldo na ning Babado, linub ya king Sinagoga, at tuturu ya.
22 At mipapamulala la ding tau king keang itutura; uling itutura na la antinong makikayupayan, at e anti ding escribas.
