39 At lulub ya karing sinagogas da, king mabilug a Galilea, manaral ya at papalual demonios.
Pamipakayap king metung a leproso.
40 At linapit ya kea ing metung a makisakit lepra, magamuamu ya at sisiklauran ne, ngana kea: ¡nung buri ma, alinis mu ku!
41 At king pangalunus nang Jesus kea, guewang ne ing gamat na, at inapis ne, at sinabi na kea: ¡buri ku; luminis ka !
42 At kanita murin likuan ne ning lepra, at melinis ya.
43 At penabilinan neng matalik, at pepalakuan ne,
44 at sinabi na kea: Lawan mu e mu panyabyan kaninuman, nung e mako ka, at pakit ka king sacerdote, at main ka king pangalinis mu antimo ing inutus nang Moises; bang mipatutuan karela !
45 Dapot ya, inyang milako ne, migmula neng binang memalita at bilalag na ing milyari; a inya i Jesús e ne milub bulalag king balayan, nung e migbili ya karing karinan a ilang.
At daratang la kea ibat king anggang karinan.
Ing lumpu karin Capernaum.
AT pangalabas ning pilan aldo i Jesús mibalik yang linub karin Capernaum; at mebalu king atiu bale.
2
At mekitipun la ding malda, nanupata e no mipaguin
mangga na king lele ning pasbul; at panaral na karela ing
amanu.
3 At dinatang la ding magdalang metung a lumpu pupu- sanan deng tiapat katau.
4 At antining e la malyaring milapit kea ali ning keraklan da ding tau, sinira re ing bubungan a tulid na; at inyang abukalt da ne, kildas de ing langkayan a kabibilyan na ning lumpu.
5 Inyang akit na ping Jesús ing kasalpantayanan da, sinabi na king lumpu: ¡Anak, ding kasalanan mu mipatawaran la!
6 Dapot atin karin makalukluk, mapilan karing escribas, a mibulebule king karelang pusu, ngara :
7 Bakit makanyan yang manyabi iti? ¡Magpusung ya I ninu ing makapamatawad kasalanan nung e mu bukud ing Dios?
