19 At i Jesús ngana karela: ¿Makananu lang magsyanu ding abe na ning kakasal a lalaki at kabang iti abe re? anggang abe re ing asawang lalaki e malyaring magayuna la.
20 Dapot datang ing aldo a milako ya karela ing asawa, at kanita magayuna la king alo a ita.
21 Ninuman e ne ipañagpi ing imalan a bayo king aran ; nung mipakanyan ing penagping bayu igutan ne ing aran, at lalu pang dagul ing guisi.
22 Niuuman alang mibiling alak a bayu king aran a balat; nung mipakanyan ing alak siran no ding balat at mibulus ing alak, at ding balat masira la; nung e ing alak a baya ibili king balat a bayu.
I Jesús guinu ne ning sabado.
23 At milyari inyang dadalan ya libutad ding tanaman king aldo ning sabado, ding alagad kabang lalakad la pigmulan da ing pamanakdut king tinalague.
24 Ding fariseos sinabi ra pin karela: Lawan mu! ¿bakit darapat la king aldo sabado king e karampatan daptan ?
25 Dapot ya sinabi na karela: ¿e yu wari abasa man ing depatan nang David, inyang midinan yang kailangan at meranup ya ampon ding kayabe na;
26 nung makananu yang linub king Bale ning Dios inyang panann na ning marangal a sacerdote Abiatar, at pengan no ding tinape ning proposición; a ninuman e ro karampatan kanan, nung e mu ding sacerdotes; at dininan na la naman ding kayabe na?
27 At sinabi na karela: melalang ya ing sabado king uli na ning tau, at e ing tau king uli na ning sabado.
28 Inya ing Anak ning tau guinu na ya naman ning sabado.
Ing lalaking malangi metung a gamat.
AT i Jesús linub yang pasibaya king sinagoga: at karin ating metung a taung malangi metung a gamat.
2 At pagumasdan de nung pakayapan ne king aldo sabado, bareng malyaring asumbung.
3 Ya kanita sinabi na king taung malangi inatung a gamat : ¡Talakad ka king kibutad!
