A Chonchobair cid nid tai[1],
do rurmis dam brón fo chái,
ised am[2] cein nommair,
do ṡerc lim ní ba ro mair[3].
In rop[4] ailliu lim fo nim
ocus an rop[5] inmainib
rucais úaim—mór in bet—
connach acciu com éc[6].
A ingnais is torsi dam[7]
tucht dom adbat[8] mac Uislen,
caurnán cirdub dar corp n‑gel
ba suachnid[9] sech ilar m‑ban[10].
Da grúad chorcra cainiu srath,
beoil deirg, abrait[11] fodaildath,
detgein[12] némanda fo lí
amal soer dath snechtaidi.
Bá suachnid a eirred n‑glan[13]
eter ḟiannaib fer[14] n‑Alban,
fúan cain corcra comul cóir
cona imthacmung dergóir[15].
Inar srólda sét co m‑brig
i m‑bui cét lám[16], ilar mín,
for a imdenam, is gle,
cóica unga findruine.
|
A Chonchobair cid no tai
da rurmais dam bron fo choi
is hed im cein cein nommair
do serc lim ni bamair.
Ni rob ailli lem fo nim
ocus ní rop inmainib
rucais uaim mor in bed
conach aiciub-sa com ég.
A n‑ingnius is toirrsi lium
techt imamhar mac n‑Uslenn
curnan cirdub dar corp n‑gel
ba suaichnid é sech ilur.
Da n‑gruad corccra caine srath
beil deirg abra fo daeldath
detgin nemannto fo dí
amal saerdath snechtaidhi.
Ba suaichnid a erred glan
itir fianuib vhfer n‑Alban
fuan cain corcra cumtach coir
cona timtacmuiug dergoir.
Inar sroldo sed combrig
i m‑bui cet n‑gem ilar min
for a imdenum is gle
L uinge d’ finnbruine.
|
