Page:Irische Texte 1.djvu/121

99

III Scél mucci Mic Dáthó.

ocus ros bia lind ocus biad^[1], ocus bertait in coin, ocus is^[2] fochen dóib.“ Buidig techta Connacht dond athesc.^[3]

Luid iarsin co tectaib^[4] Ulad. „Doratusa trá^[5],“ ar se, „as mo chuntabairt in coin do Chonchobar, ocus bid uallach^[6]. Tiastar ar a chend .i. formná mathe Ulad. Bertait ascada^[7], ocus ros bia failte.“ Budig techta Ulad^[8].

5. I n‑oen ló imorro ro dalait-seom^[9] etir anair^[10] ocus aniar. Ni ro follaiged leo-som^[11] dana, táncatar dá cóiced hErend i n‑oen ló, co m‑bátar i n‑dorus bruidni Mic Dathó. Tic-seom féin immach ocus dogní failte friu^[12]. „Ni robar-fachlisem^[13],* a ócu, ar apaide is mo chen duib. Tait^[14] issin less.“ Lotar iarum uili^[15] isin m‑bruidin, leth in tigi dana^[16][17] la Connachta ocus in leth aile la Ulto. Nir bo bec dana in tech: secht n‑doruiss ind ocus coica imdad etir cech da dorus. Niptar aigthe^[18] carat im ḟleid imorro bátar isin taig^[19]. Sochaide díb ro ḟuachtnaig^[20] fri araile. Tri chét bliadan ria n‑gein^[21] Christ ro bói in cocad eturru. Marbthair dóib^[22] dana in mucc Mic Dathó. Tri fichit gamnach co a biathad^[23] saide co cend secht m‑bliadan. Tri neim imorro^[24] no bíata, co ro lathea^[25] ár fer n‑hErenn impi.

6. Tucad dóib iarum^[26] in mucc ocus xl dam dia tarsnu cen motha in biad^[27] ar chena. Mac Dathó fessin icond ḟerdaigsecht^[28]. „Mo chen duib,“ ar se^[29], „ni dabar samail rissin ataat^[30]

---

1. biad ocus linn ocus ascetai H.
2. is om. H.
3. buidig sidi dna (techta – athesc om.) H.
4. luid dana co tegta H.
5. trá om. H.
6. bad uallach H.
7. ascetai uili H.
8. budig – Ulad om. H.
9. ro dalsatsom H.
10. an̄iar ocus anair H.
11. ni ro failliced dana leusom H.
12. do luidseum fessiu nanag. ocus fearaidh failti H.
13. ni robofaclemur H.
14. taet H.
15. uili om. H.
16. dana om. H.
17. an teg dana H.
18. aicti H.
19. ro bat. isan tig H.
20. ro uachtnaich H.
21. ria n‑gen H.
22. marbt. doib tra H.
23. co biathad H.
24. im. om. H.
25. ro biato co ralta H.
26. ier. doib H.
27. ambiad H.
28. oconfertighsecht H.
29. ol esem H.
30. riss sin L rissen atat muco ocus aigi la Laigne H.