gae dam-sa. Ro thelgiusa[1] gai n‑aill chucut-su, co n‑dechaid triat liasait[2] ocus tria uachtur do macraille. Atái co n‑galur ḟúail ond uair sin, no co rucad mac no ingen duit ond uair sin[3]. Cid dot bérad chucum-sa?“ Dessid side dana.
14. „In comram beus!“ or Cet. „Rot-bia son“, or Cúscraid Mend Macha, mac Conchobair. „Cuich seo?“ ar Cet.[4] „Cuscraid“, or cách, „is adbar ríg ar deilb“. „Ni buide frit“, or in gilla. „Maith“, or Cet. „Cucainn cetna thanacais[5] do chétgasciud[6], a gillai. Immatarraid dún issin chocrich, foracbais trian do muntire, ocus is amlaid dochuadais ocus gai triat bragit, conna hetai focul fort chend[7] i córai, ar ro loitt in gái féthi[8] do braget, conid Cúscraid Mend atotchomnaic ond uair sin.“ Dorat tra fon n‑innasin ail forsin cóiced uile.[9]
15. In tan din rombertaigestar[10] oc on muicc ocus scían inna láim, co n‑accatar Conall Cernach istech. Is and tarblaing for lár in taige. Ferait Ulaid imorro failte móir fri Conall[11]. Is and ro lá Conchobar in cennide dia chind ocus rod m‑bertaigedar[12]. „Is maith lind ar cuit do thairiuc“, ar Conall. „Cia rannas dúib?“ „Roddét*[13] dond ḟir nod ranna,“ ar Conchobar, „.i. Cet mac Matach[14]“. „In fir a Chit“, ar Conall, „tusso do raind nammuicce[15]?“ Is and asbert[16] Cet:
[Rann] Fochen Conall.cride licce.
londbruth loga.luchair ega.
gusfland ferge.fochích curad.
crechtaig cathbuadaig adcomsa* mac Findchoeme frim[17].
- ↑ ro lecusa H.
- ↑ tred sliasaid H.
- ↑ hinter duit: ond uair sin om. H.
- ↑ Cia so ol Cet H.
- ↑ cucainne ceta tudchadsa H.
- ↑ docodaiss H.
- ↑ ar do chend H.
- ↑ ro tesc an gai fethe H.'
- ↑ dorat tra aithis fonninnus sin for an coicedh n‑uili H.
- ↑ rotmbertaicest. H.
- ↑ ferait Ul. – Conall om. H.
- ↑ nodbertaigedar H.
- ↑ rodet H.
- ↑ m. Magach H.
- ↑ do roind na muici ar armbelaibne H.
- ↑ atbert H.
- ↑ atconsa (?) ... frimsa H.
