[LU:]
dóib, batir fælti meisc iarom fir Ulad ocus ba maith athumthe*. Asbert in fer fri Ultu iarom, bói a ben fri idna inna cuili. Luid Deichtire[1] a dochum, atdises* birt (i. rucastar) mac. Láir dana bói i n‑dorus in tige, trogais (i. tusinis) dí lurchure (i. dá serrach). Gabsit Ulaith iarom in mac, ocus dobert som na lúrcliuiriu do macṡlabri don macc. Alt Deichtire[2] in mac.
4. Tráth bá maiten dóib conda accatar ni i n‑airthiur in broga[3] cu.….eónu acht a n‑echrada fadesin ocus ammac cona lúircurib.[4] Tothǽgat iarsin do Emain. Alair leo ammacc, co m‑ba bláicce. Da fúabair galar iar suidiu. Atbail de. Ferthair a guba. Bá már a sǽth la Deichtire[5] díth a daltai.
5. Baísu luge* do dig oc tintud on gubu. Tothlaigestar dig allestar huim. Dobreth di co n‑dig: nach mod don bered
[Eg:]
ol Briccri. Dusn-ig biad ocus deog iarum gumdar mesco ocus gumtar sathig. Aspert friu iarum, bui a ben fri hidnu ina chuilid. Luid Dectire[6] a dochum. Adsaited berid mac ann. Lair dono hi n‑dorus in tige. Berid side da laurcuiri, ocus dobert a athair na laurana don mac do macslabrad. Alta Dectire[6] in mac.
4. In tan ba matan doib, conn faccatar ni: is ann batar gin tech gin euna ind airthiur in broga. Dotiagat iarum do Emuin Macho for culo, ocus in mac ocus in lair cona luránuib leo. Ocus alair leo in macc gu m‑bo hoglach mor. Tanicc galur mor iarum, ocus ba marb de. Caintir commor ind Emuin Machu, ocus ba saeth mor la Dectiri inn t‑sinnruth* a dalta do ecib.
5. Dothothluighestar[7] dig iarum iarsan guba mor sin. Nach mod do beriuth in lestur gusin linn dia beluib beus,
