fogabuinn. Act imorro atconnarcc tech ocus banntract oimbimi anu cena“. Iarmifouct iarum Concobar sgelu do Briccri. „Ciddaie di soduin“ al Briccri. „Ranuc-si tech n‑an n‑uirnige,“ al Briccri, „ocus rigon ran rathmur rignuidi chaemcasto ann. Banntracht finn fuinechto, techlach fial forlassuir is tig“. „Asiu athig“ ol Concobar. „Celi dam-so in fer sin,“ ol se, „iss im tir ata“. „Toct chucum a ben hinnocht do fes lium“ ol Concobar. „Ni thetus nech iarum no thisiuth frissind[1] imorchor n‑isin ingi Fergus. Luid sidi iarum ocus raidis a aithiuscc. Ocus ferta failte fris, ocus dolluid les in bean. Arceissi side fria Fergus galar noited do ueth fuirri. Ispert sidi fri Concobar, dobertar dal di. Dolleci cach dib fria celi contuiliut iarum. In tan doriuchraisit, con facatar ni: in[2] maccoem m‑becc indulbroig Concobuir.
Die Fortsetzung siehe S. 140.
