UPOKO 9, 10.
kirehe katoa hoki o te whenua e noho ana i a koutou; ki nga mea katoa, i puta mai i roto i te aaka, a puta noa atu ki nga kirehe katoa o te whenua.
11 Ka whakapumautia ano e ahau taku kawenata ki a koutou; e kore ano hoki e hatepea atu nga kikokiko katoa a muri ake nei e nga wai o te waipuke; e kore ano e puta mai he waipuke a muri ake nei hei whakangaro mo te whenua.
12 A i mea ano te Atua, Ko te tohu tenei o te kawenata e whakatakotoria nei e ahau ki te takiwa oku o koutou ko nga wairua ora katoa i a koutou, a, tera whakatupuranga tera whakatupuranga:
13 Ka whakatakotoria e ahau taku kopere ki te kapua, a ka waiho hei tohu mo te kawenata i te takiwa oku o te whenua.
14 A tenei ake, i te wa e whakaputa mai ai ahau i te kapua ki runga ki te whenua, na, ka kitea te kopere i te kapua:
15 A ka mahara ahau ki taku kawenata i te takiwa oku o koutou ko nga mea ora katoa, ara, o nga kikokiko katoa; a e kore nga wai e puke a muri ake nei hei whakangaro i nga kikokiko katoa.
16 A ka piri te kopere ki te kapua; a ka titiro atu ahau ki taua mea, kia mahara ai ahau ki te kawenata e mau tonu ana i te takiwa o te Atua o nga wairua ora katoa, ara, o nga kikokiko katoa i runga i te whenua.
17 Na, ka mea te Atua ki a Noa, Ko te tohu tenei o te kawenata e whakapumautia nei e ahau ki te takiwa oku o nga kikokiko katoa i runga i te whenua.
18 A, nga tamariki a Noa, i puta mai nei i roto i te aaka, ko Hema, ko Hama, ko Iapeta: a ko Hama te matua o Kanaana.
19 Ko nga tamariki tokotoru enei a Noa: a na enei i kapi ai te whenua katoa.
20 Na, ka timata a Noa te ngaki whenua, a whakatongia ana e ia he mara waina:
21 A ka inumia e ia te waina, a ka haurangi; na, ka takoto tahanga i roto i tona teneti.
22 A, te kitenga o Hama, o te matua o Kanaana, i tona matua e takoto tahanga ana, na, ka korerotia e ia ki ona tuakana tokorua i waho.
23 Na, ka tango a Hema raua ko Iapeta i tetahi kakahu, a makā iho ana e raua ki runga ki o raua pokohiwi, na, ka haere tuara atu raua, a hipokina ana te wahi i takoto kau o to raua papa; me te ahu mai ano o raua kanohi ki muri, a kihai raua i kite i te wahi takoto kau o to raua papa.
24 A ka maranga ake a Noa i tana waina, a ka mohio ki ta tana tamaiti o muri mea ai ki a ia;
25 Na, ka mea ia, Ka kangā a Kanaana, ka waiho ia hei tino pononga ma ona tuakana.
26 A i mea ano ia, Kia whakapaingia a Ihowa te Atua o Hema; a ka waiho a Kanaana hei pononga mana.
27 Ka meinga a Iapeta e te Atua kia tohatoha noa atu, ka noho ano hoki ia ki nga teneti o Hema; a hei pononga a Kanaana mana.
28 ¶ A e toru rau e rima tekau nga tau i ora ai a Noa i muri iho i te waipuke.
29 A e iwa rau e rima tekau tau nga ra katoa o Noa: na, ka mate.
UPOKO 10.
Na ko nga whakatupuranga enei o nga tamariki a Noa, o Hema, o Hama, o Iapeta: i whanau hoki he tamariki ma ratou i muri iho i te waipuke.
2 Nga tamariki a Iapeta; ko Komere, ko Makoka, ko Marai, ko Iawana, ko Tupara, ko Meheke, ko Tiraha.
3 A nga tamariki a Komere; ko Ahekenata, ko Ripata, ko Tokarama.
4 A nga tamariki a Iawana; ko Erihaha, ko Tarahihi, ko Kitimi, ko Totanimi.
5 Na enei nga motu e nohoia nei e nga tauiwi i wehe; puta noa i o ratou whenua, tera reo tera reo o ratou, tera toronga tera toronga o ratou, i o ratou iwi hoki.
6 ¶ Nga tamariki hoki a Hama; ko Kuhu, ko Mitiraima, ko Putu, ko Kanaana.
7 A nga tamariki a Kuhu; ko Tepa, ko Hawira, ko Hapata, ko Raama, ko Hapateka: a nga tamariki a Raama; ko Hepa, ko Rerana.
8 A whanau ake ta Kuhu ko Nimirota: i timata ia te whakatangata nui ki runga ki te whenua.
9 He maia ia i te aroaro o Ihowa ki te whai kirehe mohoao: no reira te kupu nei, He pera me Nimirota te maia i te aroaro o Ihowa ki te whai kirehe mohoao.
10 A i Papera te timatanga o tona ki ngitanga, i Ereke, i Akara, i Karane, i te whenua o Hinara,
11
I haere atu a Ahura i taua whe-
9
