मनोगत
कोंकणी विश्वकोशाचो हो तिसरो खंड लोकार्पण करतना करतना म्हाका व्हडा खोस भोगता.
कोंकणी भाशेची सर्वांगीण उदरगत हो गोवा विद्यापिठाचो एक मुखेल उद्देश आसा. तेखातीर, कोंकणी अध्यापन, कोंकणी संशोधन आनी कोंकणी साहित्य- निर्मिती करपाचो वावर गोवा विद्यापिठांत सुरवेक सावन चालू आसा. अशें तरेचो वावर करपी गोवा विद्याठपीठ हें संवसारांतलें पयलें विद्यापीठ आसा.
सर्वसादारण कोंकणी मनशाक तशेंच विद्वानाक, ताचे निजाचे भाशेंतल्यान संवसारांतल्या गिन्यानाची सोंपेपणी वळख करून दिवपाच्या उद्देशान गोवा विद्यापिठान कोंकणी विश्वकोशाची निर्मिती करूंक घेतली. जाका आपली आवयभास सोडून दुसरी भास येना तो गिन्यानापासून वंचीत उरचो न्ही. तशेंच जाका हेर भासो येता ताचेखातीर ताचे निजाचे भोशेंतल्यान खाशेलें गिन्यान मेळचे अशो दोट्टी अपेक्षा सफल करपी हो विश्वकोश, कोंकणीखातीर आदर्श असो शास्त्रीय संदर्भ- ग्रंथ आसा.
सुरवेच्या आटापा प्रमाण कोंकणी विश्वकोशाचे तीन खंड थारायल्ले. विश्वकोशाच्या संकल्पनेक तीन खंड फाव तो न्याय दिवंक पावचेनात हे कळटकच आनीक एक खंडाची तजवीज करची लागली. हो चवथो खंड प्रकाशनाचे वाटेर आनी ताकाय लोकार्पण करपाचो योग रोखडोच येवपाचो आसा.
निकतीय वयर सरूंक लागिल्ले कोंकणी भाशेंतलो विश्वकोश निर्माण करप हो भोव कश्टांचो वावर. अपुरीं साधनां आनी अपुरें मनीसबळ घेवन संपादक मंडळान हो वावर पुराय केलो ते खातीर हांव तांची तोखणाय करून तांकां शाबासकी दितां. माया भाशेवयली श्रद्धा, प्रबळ इत्साशक्त आनी त्यागाची भावना आसल्यारूच अशे तरेचो वावर य़शस्वी जाता.
पयल्या दोन खंडाप्रमाण ह्या तिसऱ्या खंडाचें कोंकणी मनशाकडल्यान उत्स्फूर्त स्वागत जातलें अशी आशा बाळगितां.
गोवा विद्यापीठ प्रो. बाळकृष्ण
ताळगांव- गोवा उपकुलगुरू
23 नोव्हेंबर 1999
