आशियाई खेळां सर्तींत मॅराथॉन सर्तीचो आस्पाव जाल्लो आसून, 1951त नवी दिल्लींत जाल्ल्या पयल्या आशियाई सर्तांत भारताचो छाटासिंग हो खेळगडो जैतीवंत जाल्लो (2 वरां 42 मिनटां 58.6 सेकंद) ते उपरांत 1978त जपानच्या मिनेतेरू साकामोतोन 2 वरां, 15 मिनटां आनी 89.7 सेकंद इतल्या वेळांत ही सर्त जिऱली.
मॅराथॉन सर्ती ह्यो 1984पयली फक्त दादल्यांपुरत्योच मर्यादित आशिल्ल्यो . पूण लॉस अँजेल्सचे ऑलिंपिक सर्तांत 1984त पयलेच खेप बायलांखातीर मॅपाथॉन लर्त घेतली आनी तातूंत अमेरिकेच्यो जोन बेनॉइटान 2 वरां , 24 मिनटां ,52 सेकंद तल्या वेळांत मॅराथॉनचे अंतर पुराय करून भांगरा पदक जिखलें. मॅराथॉन सर्त ऑलिंपिक सर्तींत बरीच लोकप्रिय जाल्या.
- कों. वि. सं. मं.
मेरी इमेक्यूलेट कन्सेप्शनः पणजी शारांत आशिल्ली गोंयची नामनेची चर्चा इ.स.1541त एका कपेलाच्या रूपांत ही चर्च पणजेच्या मध्यवर्ती सुवातेर बांदली. 1600त तिका चर्चिचो आकार
दिलो आनी 1619त तिचें सद्याचें आधुनिकरण करपांत आयलें.
चर्चिच्या आंवाठाच्या रुंदायेचीं सपणां आनी आकारांत गोंयांत दुसरो नंबर आशिल्ली 2250 किग्रॅ. वजनाची घाट ही हे चर्चिचीं दोन खाशेलपणां(1871)
दरवरसा 13मेक Our Lady of Fatima आनी 8 डिसेंबराक Our Lady of Immaculate conception हांच्या नावान हांगा व्हडा दबाज्यान उत्सव (फेस्त) जाता.
-कों.वि.सं.मं.
मॅसिडोनियाः आग्नेय युरोपांतल्या बाल्कन द्दीपकल्पांतलो इतिहासीक नामनेचो वाठार. सद्याच्या ग्रीस, बल्गेरिया आनी युगोस्लाव्हिया ह्या तीन देशांत हो विभागला. क्षेत्रफळः सुमार66,397चौ. किमी, उत्तरेक इजीयन दर्यासावन ईपायरसचे अस्तंतेक आनी थ्रेसचे उदेंतेक हाचो विस्तार आसून बार्दर, स्त्रूमा आनी मेस्ता ब्या न्हंयांच्या देगणांनी आनी पिंडस, रॉडॉपी ह्या दोंगरा वाठारांनी तो व्यापला.
मॅसिडोन ह्या पुर्विल्ल्या नगरांच्या वाठारांत सामके सुरवेक आशिया मायनरांतल्या शेतकार लोकांची वसणूक आशिल्ली अशेंदिसता. इ.स.प.दुसर्या सहस्त्रकांत उत्तरेक कडल्यान थ्रेको-इलिरियन जमातीचे लोक ह्या भागंत आयले. इ.स.प. सातव्या शतमानांत राज्कीय नदरेन हे लोक संघटीत जाले आनी ताणीं आपलो शेक उदेंतेकडल्या सलॉनिक मळामेरेन प्रस्थापित केलो.
इ.स.प. 1100त ग्रीकांनी मॅसिडोनियाचेर साम्राज्य प्रस्थापित केलें मॅसिडोनियाचो राजा दुसरो फिलिप हाणें इ.स.प.338त पुर्विल्ल्या इराणी सत्तेआड मोहीम सुरू केली . ताचो पूत अलेक्झांडर द ग्रेट हाणें इराण्याक हारायले. ताच्या मरमुपरांत मॅसिडोनियन साम्राज्याचे कुडके जाले. इ.स.. 148त मॅसिडोवियन बो रोमन प्रदेश जालो. रोनव साम्राज्याच्या त्तर काळांत तो उदेंतेकडल्या बायझंटिन प्रदेशांत आस्पावपांत आयलो.
इ.स.1300त मॅसिडोनिया, बल्गेरिया आनी सर्बीयन प्रदेशांत विभागलो. 1389 ते 1912 मेरेन हो वाठार तूर्कांच्या शेकातळा आशिल्लो.बल्गेरियन, ग्रीक आनी सर्बीयन लोक तुर्कांकडेन झूजत आशिल्ले. 1912 त पयलें बाल्कन झूज जासें. तातूंत तुर्क हरले.ग्रीस, बल्गेरियन आनी यूगोस्लाव्हिया ह्या तीन गेसांत मॅसिडोनियाचो वाठार विभागलो.
मॅसिडोनियाचो आनीकूय वाठार मेळोवपाखातीर बल्गेरियान केल्ल्या उठावाक लागून दुसरें बाल्कन झूज जालें(1913), तातूंत बल्गेरियाचो पराभव जालो. बुकारेस्ट कबलातीप्रमाण मॅसिडोनियाचो थोडोच भाग ताच्या ताब्यांत उरलो. ताका लागून हजारांनी मॅसिडोनियन लोक बल्गोरियांत पळून गेले. पयल्या म्हाझुजाउपरांतच्या काळांत मॅसिडोनियांत बल्गेरियाचे प्रेरणेन दहशतवाद पातळ्ळो.
युगोस्लाव्ह आनी बल्गेरिया हांचे संबंद मुदलांतूच मॅसिडोनियन प्रस्नाक लागून इबाडिल्ले. शिमेचेर चकमकी जायत आशिल्ल्यो ह्या सगळ्या प्रस्नांवयल्यान 1934 त एका मॅसिडोनियनान योगोस्लाव्हचो राजा अलेक्झांडर हाचो खून केलो (1934). दुसर्या म्हाझुजा काळांत बल्गेरियन सगळो मॅसिडोनिया व्यापिल्लो. 1947 चे शांतताय कबलातीप्रमाण मॅसिडोनियाच्या संदर्भांतल्यो ग्रीस युगोस्लाव्हिया आनी बल्गेरिया हांच्यो झुजापयलींच्यो सिनो थारावपांत आयल्यो. युगोस्लाव्ह संविधानाप्रमाण (1943) युगोस्लाव्ह म2सिडोनिया हो एक स्वायत घटक जालो आनी मॅसिडोनियन लोकांची स्वतंत्र राश्ट्रीयता मान्य केली. म्हाझुजुपरांतच्या ग्रीसांतल्या यादवी झूजकाळांत ग्रीस आनी
