अनुकरण आनी बंगाल नाटकांचे अणकार करून मैथिली नाटकाची खूब उदरगत केली. कालिदास,इब्सेन ,छबिनाथ बंदोपाध्याय हाचीं नाटकां मैथिलींत आयलीं. स्वातंत्र्याउपरांत इतिहासीक नाटकां बरोवप जालीं. विद्यापतीचे जीणेचेर स नाटकां बरयलीं.
काचीनाथ झा, चंद्रनाथ मिश्र, गोविंद झा,गंगानंद सिन्हा हांणी एकांकिका बरयल्यो.
मैथिली साहित्यांत ,समीक्षा लिखाण करतना ,चडशा पंडितांनी संस्कृत वा अस्तंती समीक्षकांचो आदार घेतिल्लो दिसता. सीताराम झा हाचो अलंकारदर्पण, दामोदर झा हाचो अलंकार कमलाकर, वेदान्त हाचो अलंकृतिबोध हे अलंकारग्रंथ मैथिलींत आसात. रामचंद्र मिश्र हाचो चंदाभरण हो समीक्षेचेर बरयल्लो म्हत्वचो आसा. कांचीनाथ झा (किरम) हाणें आलोचना एक दृष्टिकोण हो निबंद बरयलो.उमानाथ झा, दुर्गानाथ झा, दामोदर झा, भक्तिनाथ सिंग ठाकुर हांणी परंपरगत अस्तंती सिध्दान्त आनी अस्तंती लेखकांची मार्क्सवादी नदर मांडल्या . जयधारी सिन्हा हाचो काव्यमीमांसा (दोन खंड) ,रंघुनंदनदास हाची मैथिली नाटक ग्रंथाची प्रस्तावना, यदुनाथ झा हाची मैथिली गीतांजली ची प्रस्तावना , भुवनेश्र्वराची आषाढ ह्या काव्यझेल्याची भुमिका हे नदरेन म्हत्वाच्यो आसात.
साहित्याचे सिध्दांत लक्षांत घेवन समीक्षा केल्ल्याच्या वावरांत चंद झा
