in domhain do gabh in cuan ar tus, conadh Rinn na Bairci a ainm o sin ale. ⁊ ro tuirrnadar a seola illathacha anairtghela ⁊ do togbadar a puiplaigi belcorcra breachtnaidhi ⁊ ro caithsead a m-bhiadha saera somblasta ⁊ a n-deocha mine meascamla ⁊ tucadh a croinn ciuil cucu da sirṡeinm ⁊ a n-aes dana do ghabhail75 a n-duan ⁊ a n-dubhchonn doibh.
'A Glais mic Dreamain,' ar ri in domhain 'cía da rainic in tir si a tangamar ar tus do chuid ronna uair do roinnedar Eire eaturru fein re techt anoir doib?' 'Do Thor mac Breoghain do righ na hEspaine,' ar Glas 'rainic an tir si.' 'Mas ead, a ri na hEspaine,' ar ri in domain 'is tu dlighus feis ⁊ aedaighacht na hoidhchi 80 anocht do taibart duine.'
Is ann sin ro eirig ri na hEspaine ⁊ ceithri catha armruadha eagair 'mailli ris ⁊ tainic fo imlibh na crichi a cedoir ⁊ do badar tri dunaidh a n-iarthar na crichi sin .i. Dun Cais ⁊ Dun Aedha ⁊ Dun Cearbain ⁊ do loiscedh le righ na hEspaine iad etir triath ⁊ tigerrne, etir mnai ⁊ macamh, etir coin ⁊ ḟear, etir chuach ⁊ chorn 85 ⁊ chopan ⁊ do badar tri coicait do theaghlach in gach dunadh dib-sin ⁊ do loisceadh leo uili iad.
Do bhi imoro a ḟis ag Finn ⁊ ag fianaibh Eirenn co ticfad in tromdamh sin d' innsaighi Eirenn .i. righradh in domain uili amail do bhi a fighair ⁊ a ḟaistine doibh ⁊ ni raibhi cuan ghabhala a n-Erinn gan fer forairi o Ḟinn fair ⁊ is e do bhi 90 ag forairi in chuain sin aigi .i. Conncrithir mac Brain mic Feabhail o Theamhair