83
Bhandhăr sè ngèḍingngaghi kalaban sabbhăr. Samarèna Gulliver atjarèta, bhǎndhar bhoeroe pas ngọtja', djhă' abǎ'na mastè ètangkep, sabab mètorot wèt, bhangsa Erropa ta' ollè maso' ḍă' Loegnag. Saabiddha adǎntè' sorat potosan dari koṭṭa karadjhǎ'ǎn, Gulliver mastè èmaso'aghi ka patandhăn. Bhǎndhăr bhakal li-dhoeliǎ ngatorè kabar ḍă' kotta, nangeng bǎlessanna ta' kèra pas ḍǎteng arè djárèja kèja, maste kodhoe cantos saarè doe are.
Gulliver njo'on èdhi adante'a è parao bhai, nangèng ta' èlèllanè, tako' amè' boeroe. Dhaddhi Gulliver kapaksa enneng è patandhan. Patandhanna Gulliver sențèk sarta bhersè, kennengnganna èseddhi'na palabbhoeăn, dhaddhi aba'na ngennèng băs abăsan ḍǎ' songaj băn dǎ' tasè'. Eadă'ǎnna èdjaga sahèlwa', sopadjă Gulliver ta' ngennènga boeroe. Nanging aba'na kalellan lăn-djhălănan neng è kebbhoen èboeḍianna patandhan, sè èpaghari alas tongghi tello ghellǎng. Pangangghebbha rèng-orèng djádijă ka Gulliver endjǎ' ta' sambhǎrăngan. Olle ngakan ban ngènom sasoka'na, nangèng sè ngongkosè kakanna djarèja Naghǎră. Sarta polè Gulliver kalèllan nemmonè tamoj.
Bhǎreng è kotta ella paḍă ngeḍing kabar, djha' băḍă bhǎngsa Erropa ètahan, bănnja' ghar-sodhăgăr radjǎ sè marloaghi èntar ḍǎ' Gulliver, parlo atanja'a bhab kabada'ǎnna tana Erropa. Mètorot adhǎddha rèng-orèng naghără djădija, rèng-orèng sè paḍă njapot Gulliver paḍă aloe-djhoeloe.
Băḍă na'-kana' lantjèng pènter, aladjar abhăreng Gulliver molaè ḍări Maldonado kangsè da' Loegnag. Kana' djărèja băn Gulliver èkaghăbăj djhoeroe bhasa, sopadjă ghămpanga abǎ'na sè atjatja băn sodhaghar ghella’. Lantjèng djareja padjhat la hèran Loegnag, nangèng ella abit enneng è Maldonado. Dhaddhi abǎ'na tjè' pènterra ḍa' bhasana doewă' naghără djǎrèja. Sarrèna bădă djhoeroe bhăsa djărèja, dhaddhi Gulliver ta' malarat sè atjatja băn rèng-orèng sè paḍă amaèn ḍă' abă'na saabiddhà băḍă è patanḍhăn.
Gulliver ella para' ta' kadǎntèna sè anantè' potosan, nangèng ladjhoe dateng sorat potosan ḍări kotṭa. Monjèna sorat djǎrèja: ,,Gulliver mastè ètangkep, serta dhoeli èaterraghi ḍă' koṭṭa moso bhărǎng ḍi'-anḍi'na kabbhi. Dhinèng sè kodhoe ngaterraghi sardădoe oesar sapolo mègghi'!" Bărămma takerdjhǎddha Gulliver, la ta' ambhoe tjatorraghi.
Gulliver njo'on djharăn tompa'an ḍaḍoewǎ', kaangghoej abǎ'na dhibi' băn djhoeroe bhasana. Parnjo'onanna djărèja ijă ètorotè. Dhinèng di’-anḍi'na èboewă' è djikar, èèrèngngaghi sardǎdoe kèja.
Băḍă sala sèttong pandjoerit oesar sè èsoro mangkat kaaḍǎ', parlona ma' ngatorè pamèjarsa ḍă' Sang Rato bhab datengnga Gulliver, sopadjǎ Sang Rato sempata aparèng onèng, èḍimma băn bilă salèrana sè ngolatana Gulliver. Dhinèng sardadoe sè laèn abhǎrengngè Gulliver. È salandjhăngnga lorong radjă sè ka kotta, Gulliver èkalènglèngè sardădoe.
