Bhâreng parao ella maso' da' palabbhoeân Jócóhama, ladjhoe bâdâ pardjadji Djeppang ongghâ ka parao anjata'aghi asalla tong- sèttongnga orèng panompang se bhoeroe dateng. Sabab nalèka è djhâman djârèja orèng Erropa laènna bhangsa Bâlándhâ mastè èokom patè, mon bangal nèddha' tana Djeppang.
Gulliver sè ella sabbhánna ngako rèng Bâlandhâ djârėja, no dhoeaghi asta'anna Sang Rato Loegnag da' pardjadji ghella', ètja- ossaghiâ dâ' Mikado Djeppang. Pardjadji djârèja nangalè ettjappa asmana Sang Rato, ladjhoe tjè' hormatta da' Gulliver, èkèra pardjâdji radjâ otosanna Sang Rato Loegnag. Gulliver pas èpanompa' kapal Naghârâ moso bân-ghibânna kabbhi; bán para pardjadji è Jócóhama bhâreng ngèding parkara asta'an sè bhakal ètjaossaghiâ da' Sang Mikadó djárėja, padâ ngormat da' Gulliver, sarta Gulliver ladjhoe ollè saija’ân bengko bhăghoes, rata, djhârân bân pangèrèng sè ngaterraghia da' Tókijó, akanța adhät bijǎsana otosanna para rato sè asobât.
Pangangghep sè bârijâ djârèja tanto andhâddhiaghi bhoengana Gulliver. Sè enneng è bengko bhaghoes è Jócóhama ijǎ ta' ka- tjèbâ. Gulliver pas akèrèm otosan nompa' djhârân [1] njabis dǎ' karaton, njo'on èdhi njabisa da'
Sang Mikadó. Tanto bhâi Gulliver dhoeli èèdhinè njabis, amargha Sang Rato ella ngaghăli apa parlona. Sang Mikadó maring rata karaljh ăn sè khăghoes, èpakèrèm dâ' Jócóhama, bhakal tompa'anna Gulliver dâ' Tókijó. Napa' dâ' ghâporana kotța Gulliver masțè toron dări ratana, dări djǎḍijă padjhălănna abă'na èpèng apèngè dhoenor belliăn bhăngsa kolè' potè bân kolè' tjelleng pa' polo mègghi', pangangghoejjǎ padâ ghoes-bhaghoes; djărèja sè ngaterraghi napa' da' karaton. Nalèkana rak-arakan dârèja lébât è lorong bănnja' orèng sè padă' nèngghoe, terro taoa robăna otosan sè èmat-ormat djǎrèja.
Neng-è karaton Gulliver ollè kahormatan radjă, sarta dhoeli ètjabissaghi dâ' Sang Rato. Gulliver adhekkong sè njaossaghi asta'anna Sang Rato Loegnag dǎ' Sang Rato, sarta mator apa sapessenna. Saellana Sang Rato marè maos asta'an, ladjhoe kasokan kangandhika bân Gulliver. Sang Rato ngaghem djhoeroe bhâsa sè ngartè bhâsa Bâlândhâ. Gulliver èparèksa tètè bhâb asal-osolla, lalakonna sè ella èdjhălănè băn nèjatta.
Gulliver mator djhâ' abâ'na sodhâghâr Bâlândhâ, nemmo tjalaka’ paraona remmok è naghăra mantja. Dâri djâdijâ lèbât dhârât bân tasè' dâpa' dâ' Loegnag. Neng.è Loegnag abâ'na èparèngè pondhoeghăn neng-è karaton, sarta bi' Sang Rato èlèllanè aladjăr dâ Djeppang. Mèlana abâ'na njo'on èdhi da' Djeppanga, sabab tao djhả khăngsa Bălăndha asobắt băn Sang Mikadó sẽ kobăsa è
- ↑ tjotjolok (lap-olap).
