djǎrèja ladjhoe èsapo'è mèghǎ tjelleng, sê ladjhoe alatlat ka sè pèngghir bără', ngalatjo' dă' dădjă băn ḍă' lao' akanța tanang sè tjelleng, dhinèng tjètakka ngongol kaattas, atjora' aberri'ă lamat katjalaka'an. Tjahjăna tang-bintang sèrna, saghebbhlăsăn bhăi langngè'na kabbhi ella katopoan mèghă kandhel tjelleng, ta' abit ladjhoe dăteng bhărăt talèbăt radjă.
Dǎ'-adă'na dătengnga angèn radjă bhoeroe ghăn djhă'-sakeddjhă', nangeng ta' saapa abiddhă pas santa', monjèna ngaroḍoe'; ladjhoe ngamok ta' amboe, ngettokkaghi kakowatan băn kakerrasanna, ta' kennèng èandhiaghi polè. Ombă' sè ètongngo', radjana sabengko èpal-pèlpallaghi sarat bhățok maso' da' tase', sè ta' sakèra-kèra dalemma. Djhǎ'-sakeddjha' kèlappa nappor, ghǎloedhoegghǎ tagher. Odjhănna sarat sè ètotta' dări langngè'.
Kaotja'a kaptèn William bhǎreng ghellă' ella ngèra djhă' băḍă❜ă bhărăt ḍătengnga, ladjhoe dhoeli asaḍijă sè bhǎkal nolaka kaka lèran. Djǎr-ladjăr padă èghoeloeng, lă-djănḍilă paḍă èèntep, sè kèra aèng tasè' ta' maso'a kaḍălem parao. Saellana bărijă, kaptèn neng-enneng aḍăntè' padătengnga bhărăng sè makèrès djǎrèja kalabǎn sabbhărră atè. Ladjăr sè ètjapo' angèn tjoma sè bă-băbă neng-è tèjang sè dă'-aḍă' sè ella èpanalkop kèja, nangèng angèn bhărat sè santa' djărèja nongngo' Antilope èboewăng ka aḍă' akanţa sè njampattaghi boeloena adjăm bhăi. Santa'na ta' kennèng èkèra-kèra, pangabbherră dhăddhăli ghi' kala bhǎnget. Rèng-orèngnga ella tanto ta' băngal sè tèḍoenga.
Ombǎ' eboedina parao, sè tèngghina sabhoengkana njejor, dhăng-kaḍhăng masè maantjora băn nopoana Antilope sè èanjo'ombǎ' ka tèmor ngatjower. Nangèng salamet ta' makalèr parao bǎn orèngnga, sabab tjoma ombă' abhoewăng, naboej jas-nampèjas.
Sanaddjhăn la masè nemmoa bhabhǎdjă patè, kaptèn ghi' pantjet aberri' parènta kalaban sabbhăr sarta teggep. Bhǎreng angèn molaè salèboeng sarta atambă santa'na, wăswăs molaè aghoeḍhǎ atèna kaptèn, ladjhoe arembhăk bån para panḍhighăna, apa sè pardjoeghǎ èkaèchtèjar.
Orèng sè ghi' ta' tao bărămma kokona, kowat băn sekkenna rapettanna Antilope, tanto andi' pangèra, djha' parao djǎrèja mastè remmok, sabab ombă'na sara sè peng-ngèpengngaghi Antilope djărèja. Bhǎreng ngadheppaghi tengnga malem, èkaèḍing sowara karowa'an djhăbbhoerăn, ijă arèja tèjang aghoeng potong, ghǎgghår ka tasè'; ta' abit bădă sowara dări pangghoengnga kaptèn, bărijă: „Bădă takat èadă".
Kapten băn troes-mattroes ngettokkaghi kakowatan bån ghoena tarèkana, sè manjèngla'a paraona ḍări katjalaka'an, nangèng ta' paghoena. Antilope taantor ka karang, tjekka', monjèna ghådhes săn tjè' kadjǎna, aèng tase' maso' ka eḍdèk sarat njapoè sarta alanjo' apa sè bădă èdjăḍijă. Parao djărèja rosak, èpokol ombǎ' bhengka maḍoewă. Kapal sè ella segghoet nahan băn nolak
'
"
