49 èparèngngaghi dǎ ' sala sèttongnga parnjaè Băb djărèja andhăddhiaghi bhoengana Gulliver . ladjhoe karaton.
Sanjatana sè tja-ngantja dă' Gulliver ta ' partjoma kalètan tjabhoel djǎrèja bhăi , kabbhi dhi - abdhi tjo-ngotjo da' abă'na. Nangèng djărèja ḍări salana Gulliver dhibi ' , sabăb abă'na talèbăt panakot băn marèngèsan. Raksasa taḍă ' sè ngartèa , arapa Gulliver ma ' dhăddhi tako ' dă ' taboewăn , njang -manjang, tarkadhăng abǎ'na marèngès ka lala ' . Nangèng ma'loem, sabăb radjăna taboewăn bắn lala na aradjăăn bắn chără otaba poter. Ella segghoet kalè roti bǎn dhăghingnga Gulliver sè ella bădă è pèrèngnga ètèngghǎ'i ladjhoe èghibă boeroe. Gulliver ladjhoe ngonos ettjèssa èpangagghǎ lala ' . Dhinèng mon lala'na bănnja', Gulliver ladjhoe boeroe bhǎi .
Gulliver tjè ' pèrakka , mon ngèding Dhin adjoe Rato apasèjar è naghǎrăna raksasa djărèja . Bengkona Gulliver masțè èghibă . Dări rata Gulliver ngennèng nèngghoe kabăd ănna naghără băn orềngnga. Ta ' antara abit Gulliver tao djhă' naghărăna raksasa djǎrèja djăzira (1 ) èpèngghir mor - dădja èbắtessè ghoenong bharisăn ghi tèngghi , sè paḍă kalowar apojja. Ghoenong bhărisăn djărèja ghi' ta' tao èongghăi orèng , molana ghi ' taḍă ' orèng tao, apa è saladjă' ghoenong djărèja èkennengngè orèng otaba endja ănna băn apa . Dhinèng pèngghirră sè laen èbătessè tasè' sè ta' bhăngsa pabăngennan radjana. Mowarana ngaj - songaj sè bădă è naghără djăḍijă, èkolèlèngè ghoenong bato. Tasè' è naghără djăḍijă ombă'na djǎ-radja, terros ka ghir sèrèng sè ghăntè tabăng , sè ghantè ghoeles , molana taḍă ' parao sè ngennènga aladjăr ka djădija. Amarghă djărèja naghara djadija akanţa sè tapèsa băn ijă ta' tao da' naghără laèn , kadjhă naghără laènna . Raksasana bhǎna naghărǎna dhibi ' bhăi . Orèngnga naghărăna raksasa bhoeroe kaètong bǎnnja'. Dări pangèḍingnga Gulliver koṭṭana sè radjă băḍă satos saèket , koṭṭa sè bădă bhintèngnga băḍă saratos , băn dhisana ijă bănnja' . Dhinèng koṭṭa karadjhă'ănna èbăgi dhăddhi doewă' băgiăn ,radjăna moso sèttong songaj . Kennengnganna sè para ' paḍă'ă karaton è băgiăn sè pèngghir kangan . Karaton djărèja ta ' abhăngon sèttong kengko sè atoran , nangèng bengko bănnja', ana- bărna khăngon băn matjemma , èsambhoeng chăddhi settong kongse pangkèngnga tjè' radjǎna , bărijă kèja kebbhoen băn lon - alonna .
Gulliver ta ' kalèllan kalowar ḍări karaton adjhălăn soko . Mon adjhălănana mastè èpanompa ' rata karaton , moso pangandjhoena , sopadjǎ ta ' nemmoa pa - apa è djhălăn ; tapè ta ' andhǎddhiaghi kasennengnganna Gulliver , sabab mon ratana lebat è lorong sè ato - bǎto , talèbăt rontak djǎl - goendjălăn ; molana bengkona Gulliver pas èpasangè sabbhoe ' kolè ' sè kowat băn tegghoe , sopadjǎ ken
(1)
Tjara Bălăndhana : Schiereiland .
LALAMPA'ANNA GULLIVER
4
