50 nènga ètjangkè'aghi ka rata otabă èsanḍăngngaghi da ' bhǎoena Geloemdalkelit. È sèttongnga arè bi ' Geloemdalkalit Gulliver èghibă dă ' kebbhoen , èsabǎ ' neng è sèttong kennengngan sè èkèra ta ' ngabătèrè , labăngnga bengkona èboekka' sopadjă Gulliver ollèa ngèn - ngangèn sambi adjhălănan tjar -kantjèr . Aba'na pas èdhina'aghi lăn - djhălănan bǎn tja-kantjana. Kateppa'an Geloemdalkelit taḍa ' , ladjhoe bădă patè'na tokang kebbhoen, Gulliver èkèkkè' pas èghidhing èghibă adjhălăn, ta' abit ladjhoe èsaba' è rebbhǎ èadă'ănna lorana. Tokang kebbhoen masè èlanga njabăna dări takerdjhăddhă, bhǎreng nangalè Gulliver è tjolo'na patè'na ; sabab abǎ'na ella tao djhǎ ' Gulliver djărèja kakasèna Dhin adjoe Rato. Gulliver ella mara madjit , ladjhoe èkala ' , sambi ètanjaè amè ' băḍă potongnga otabǎ lokana bhădhănna . Ontongnga patè'na sè ngèkkè' ta ' èpakadjă .Gulliver ladjhoe èghibă abăli dă' bengkona . Bhoengana ta ' djhăma ' . Nalèka sabǎrijă Geloemdalkelit abăli . Abă'na tjè ' takerdjhǎddhă bhǎreng tao, djhă' Gulliver taḍă' , sarta èṭa' - èṭṭa ' ta' njaot. Bhǎreng Gulliver èghibă abăli bi ' tokang kebbhoen , sarta atèna Geloem dalkelit tjellep , sanaddjhăn tokang kebbhoen ngandhǎ'aghi apasè ella kadhǎddhiăn . Nangèng kabit ḍări djărèja Gulliver pas ta 'tao leppas dări matana. Bit- abit Gulliver ta' partjoma dhǎddhi kakasèna Dhin adjoe Rato bhăi, nangèng para pottrè laènna ijă paḍă lèboer kèja. Segghoet kalè Gulliver băn Geloemdalkelit padă èondjhăng , ètangghǎ ' kanḍhăna parkara sè alalana , apa polè kabăḍă❜ănna ră -naghără mantja băn orèngnga , sè ella tao èèntarè Gulliver. Mongghoe dǎ ' panemmona trè - pottrè djărèja, tjarètana Gulliver akanța dhoengngèngnga orèng è ahèrat .
Dhin adjoe Rato ella ngaghăli , djhă ' Gulliver lèboer alaladjărăn. Molana è sèttongnga arè ladjhoe èparèksa , apa abă'na tao ngamoḍdhi'i parao. Gulliver mator djha' padjhat tjè ' pènterra . Dhin adjoe Rato ladjhoe makon aghăbăj o -paraoan nè '- kènè' dă' tokang parao, èpatompa'a da' Gulliver. Neng -è karaton èdhika'aghi pasangè kolla palèstèran sè radjă, sopadjă Gulliver ngennènga aladjǎr sasennengnga atèna moso parao djărèja . Bhǎreng paraona ella marè , ladjhoe èpolas mètorot bărna parsemmonna kara djhăăn . Tèjangnga èpasange ladjăr , Gulliver pas èpakon mapan todjoe ’ adjăga kamoddhi . Dhin adjoe Rato băn para pottrè padã tjè' kasokanna , kabbhi padă njarèpo dă ' ladjăr , paraona Gulliver ngatjower padjhălănna , akanța pana leppas dări ghåndhibăna. Sè padã nèngghoe padă aghelli ăn . Sakèng santana parao , Gulliver segghoet para ' kalènḍhiă sè mèngoa paraona sopadjă ta'kangsèa ngantor da' pèngghirrǎ kolla .
Bărijă kabăḍă❜ănna Gulliver èḍălem karaton , katonna tjè' sen nengnga bån tjè' bhoengana. Nangèng kabhoenga'an băn kasennengngan djărèja ta' andhăddhiaghi loppana Gulliver dă' naghă
