60
tjè ' kadjǎna. Dhinèng mon abă'na dhibi' ngotja', kodhoe ațarat raksasa ngèdinga băn ngartèa.
Kapten sè adon-djandoen băn Gulliver kangsè tjè' malemma; kaptèn băn Gulliver èberri’i lăng ghellăng salakana totoppa bengkona, mènangka pamalessa Gulliver ḍa' kaptèn sè ella ngangkès bhadhǎnna dări katjalaka'anna.
Kapten akanḍhă ḍă' Gulliver, djha' kapalla djărèja dăteng ngala' boewǎdhăn ḍări naghără Tonkin, băn salè - ollè ta' per sepperrana ḍǎ' naghără laèn, terrosa molè ḍa' naghără Inggris bhăi.
Sabǎtara arè saellana Gulliver băḍă neng è kapal, angèn pas molaè bhǎnter.
Kaptèn sè aladjăr noro' salandjhängnga pèngghir sèrèng lao'na polo Borneo, terros lèbăt è sellat Sondha è lao'na polo Soematra, ladjhoe mantjer ḍă' bără'-lao', ḍă' patana ekkap de Goede Hoop. Sabab bǎkto djărèja Suez-kanaal ghi' taḍă', dhăddhi taḍă' parao lèbǎt èdjăḍijă terros ḍǎ' tasè' Tengnga.
Neng è pasèsèr lao'na tana Afrika kaptèn kapaksa njepper ka sèttong palabbhoeăn, sabăb parlo ngala'a aèng ènom băn sango laènna. Sanaddjhăn Gulliver ghi' ta' tao ghoe-nèngghoe è naghără sopadja djăḍiiă, abǎ'na ta' ghellem noro' toron ka dhărat, neng-enneng èattas kapal bhăi.
Kaotja'a kapalla ella salamet lèbăt è ekkap de Goede Hoop; tello boelǎn abiddhă ḍări băktona Gulliver sè njèngla ḍări karangkènganna, pasèsèrra naghără Inggris ella katon, kapalla salamet maso' ḍă' palabbhoeăn Portsmouth.
Sarrèna pèssèna Gulliver ta' tjokop sè èbhădjărragḥiă ka kaptèn mènangka ongkossa kapal, kareppa Gulliver mèdjă băn korsè ghadḍhingnga èbădjărraghiă ghalloe; anangèng kaptèn ta' enḍă' nampanè, otja'na malè-malè, djha' Gulliver ta' ambhoe madjăr tambhănganna kapal. Saabiddhă è kapal djăḍijă Gulliver èangghep tamojja kaptèn. Tjarètana Gulliver kabbhi mongghoe ḍa' kaptèn la èangghep bhărăng sè larang kabellina.
Edjădijă orèng sè kaḍoewă ladjhoe paḍă amèt băng- èbăngan, abăsanna tjè' pabhălăna akanța mo-sarmoan abit. Apa polè kaptèn adjhǎndjhi bhakal segghoedhǎ pot-njapot Gulliver ḍă' bengkoną neng è Redriff.
Gulliver ella napa' ḍă' ḍhărăt, pakakassa kabbhi èboewǎ' kadjikar, abǎ'na dhibi' njèwă djhărăn, ètompa' molè ka bengkona.
Ella ta' katjator bhoengana.
Binèna njandher mapak aghelloe' lè'èrra, nangès abherroej ḍări bhoengana. Na'-ana'na băn mo-sarmoanna kabbhi paḍă bhoenga, sabab Gulliver sè molè polè. Dhinèng Gulliver dhibi' asokkor dǎ' Ghoestè Alla, sè kasokan makalowar abă'na ḍări naghără Brobdingnag naghǎrăna raksasa ghellǎ'.
