Angèn radja salaboeng noro' boentè' ledḍhoe'na' ghoenong djârèja. Apa'a bhâi èsotok, èparobbhoe, ètadjhă', èanjo', èpèlpallaghi, èrosak, èpes-karèpes; kabhoengka'an sè dja-radja ngarapas ènga' ghâlághas; sowarana karowa'an, roekderroeghân, bhoemè masè ledujhârâ; ở bâng abâng abbherrăn tja-rantja, to-bato, aboe ban tjellot marong; pas pada ghagghår tjè' santa'na mara odjhân dherres ka bhoemè; Gulliver boeroe ngètek ka rongkangnga.
Ta' antara abit èkaèding sowara ngaroto' akanța odjhăn dherres ngennèng ka ghentèng. Gulliver èntar ka labǎngnga ghoewă, pas nangalè djha' padjhat odjhän tjè' dherressa ongghoe atjampor aboe, dhinèng èlowarra ghoewǎ djâdijâ bădă tjellot ènga' tadjhin njalapak sadjân abit sadjân tèngghi. Bâto djâ-radjâ ngolboe' salang tabâng-bâng abâng, ghâgghân èpèngghirra ghoewâ, sowarana patang kaghoerdjhem ngennèng ka bato. Ghoenong sè leddhoe' djârèja monjèna terros bhải, matako’ băn makèrès orèng. Kontjona masè sèbă'â, bâ'sèbâ'ânna sè saparo ghoedjoer ngalotor dâ bâbâ. Odjhan aboe sadjân dherres, robăna aèng tasè' dhăddhi kalaboe bhender, kangsè tjè' djhâoena ka tengnga.
Ontongnga Gulliver ghi' ngennèng ngaop è ghoewâna. Nangèng Gulliver la ta' ngarep partolonganna sapa, molana aba'na adhekkong neng è seddhi'na labângnga ghoewâna aḍântè' adjâllâ kalabân sabbhâr.
Nanging sadjǎn abit sowara-sowara sè nako'è djărèja sadjân èlang, pettengnga sadjan njèsè atjamboerân datengnga paddjhâr. Saeddjham agghi' ella èlang, sèrḍăng. Tjahjâna arè bǎdjă ghi' lagghoe sè mèra adjăng bâdjangan neng.è tasè' èdjoel-găndjoel ombǎ'; angènna tjeddhoe, langngè'na bhersè, arèna njongop èattassa tjakkrawala, njènatè polo sè kèjamata djǎrèja.
Gulliver akanța sè bhoeroe marè amèmpè sè amamarèngèsè. Bhâreng ella sèjang, kakowatanna abâ'na abâli polè băn atèna la tarentem mara sabbhânna. Tja'na pèkkèrra: ella terrang orèng ta' ngennèng odi' neng-è polo djǎdijă. Mon abâ'na tepteppa neng èdjădijă, ella tanto tjoma patè sè ètemmo. Molana salè-ollè Gulliver njèngghâ'ă dări polo djâdijâ; nangèng boeroeâ kakamma.
Mongghing lao'anna polo djârèja bâdâ sèttong polo polè. Gulliver asaddjhâ aladjâră dă' sakandjâ. Paraona sè possa' aboe bân tjellot ladjhoe èbhersè'è, sabâdâna dhăndhănanna èrèngkessè èsabǎ' ka dǎlem paraona, ladjhoe mantjal mantjer ka polo djârèja. Salamet tao napa' ka sakandjâ. Saellana Gulliver asasarap sakonè', pas adjhălăn tjar-kantjèr èpèngghir sèrèng, ngen-ngangen kabăḍă'ǎnna bhadhǎnna sè mellassaghi. Paneng-ennengnga nondoe' mara sè kaberrǎ'en tjètak sarta tjè' sossana, naddjhăn nalèka djârèja langngè sèrḍăng, tjahjana arè tèra', kabbhi apa sè bădă è polo djâdijâ akanța emmas èsanglèng èkennèng sènatta arè.
Teppa'na kèr pèkkèran bârijâ, Gulliver takerdjhât marghâ arè arassa mara sè gherring dhăk sakala polè. Dări tako'na amè' bâdâ
