75
BHAB III.
Gulliver ngongkorraghi polo ngabăng , èntar dă naghărăna rato è Lapoeta.
Saellana Gulliver tao kabbhi kalaban terrang bab kabada'anna polo ngabăng ghella', ladjhoe tomboe pèkkèrra terro njènggha'a ḍări polo djăḍijă, abăliă ḍă' bhoemè polè. Sapèsan abă na ella ta' perna enneng è polo djăḍijă, sabab sabbhăn arèna pagghoen bhai sè ètangalè, kapèng doewa'na, abă'na arassa bhǎkal ta ' taoa abăli ka naghǎră Inggris băn da' ana' binèna polè, mon pagghoena neng è polo ngabăng djădijă bhai . Molana ella teptep saddjhăna li-dhoeli ondhoeră dări polo ngabăng djärèja.
Băḍă sèttong santanana Sang Rato Lapoeta se dhaddhi pardjǎdji radjǎ neng è kadhǎton è polo ngabăng. Pardjădji djărèja segghoet nembhăli Gulliver eadjhak asa-gessa sarta èparèksa pan-bărămpan parkara kabăḍă'ănna naghără Erropa băn ḍhăng-onḍhăng naghără, adhat ban joedha naghără, băb elmo bắn kapènterran.
Gulliver mator ḍă' pardjadji djărėja sopadjă enjo’onnaghia èdhi ḍa' Pèjan-dhălem Rato kalèllana njèngghă dări polo ngabăng, abăliă ḍǎ' bhoemè polè. Pardjădji djărėja asangghoep, sarta ta' antara abit Gulliver pas narèma dhăboe ongghoe dări Sang Rato Lapoeta, djha' kalellan.
Bi' Sang Rato Gulliver èparèngè ghandjhärän bănnja', bi' pardjădji radjă sobăddha èparèngè sorat, sopadjă eatorraghiă ḍă' mo sarmoanna neng è Lagado koṭṭana naghără djăḍijă. Bhǎreng polo ngabăng djărèja djhǎoena dări Lagado ra-kèra karè doewă eddjhăm, amboe eattassa sèttong ghoenong. Gulliver pas èpatoron ḍa' tana, akanța bilan nalèka ongghǎna.
Bhareng Gulliver ella napa' ḍa' tana, ḍări bhoengana ladjhoe tja'-lontja'an alèt-djhoempalèt, ra'-èra'an kadjă apaamètan, sarta aberri' tarèma kasi da' rèng-orèng Lapoeta sè padă aghăribbhoeng è pèngghirră polo.
Polana ghi' parappa'na bhoeroe adhjălăn madjhoe on-laonan.Gulliver toron dări ghoenong adjhälǎn da' kotta Lagado. Dǎ' aḍǎ'na Gulliver adjhălăn lèbăt kebbhoen aghoeng sè ngadjoendjoennaghi, pas è tana rata sè possa' tamennan găndoemma abă'-ombǎ' ètjapo' angèn, ladjhoe napa' ka ra-ara possa' bhăng-kembhăngan, ko-bengko sè ghoes-bhaghoes èkobhengngè pakebbhoenan. Sadjǎn semma' ka kotta sadjăn rammè orèng sè lèbăt è lorong. Bit-abit aba'na pas napa da ghaporana kotta. Gulliver lèbăt è ghapora djárèja terros ka kotta. E lan-djhălăn taḍă' rèng lo'ngalo'; tada' oreng tao djha' Gulliver orèng mantja, sabab nalèka aba'na bada neng è polo ngabang asalen angghoej bărămma kapprana angghoejjá orèng Lapoeta, sarta ella tjè' pènterra da' bhasana orèng djadija.
