82
apa è djhălăn. Èḍălem atèna Gulliver tje' tarèma kasina ḍǎ' Rato băn rèng orèng naghără ljădija, sè pada bettje pangraksa băn pangangghebbha ḍa' aba'na.
Abiddha laladjărănna Gulliver sè satèja ra-kèra tello mènggoe. Parao sè ètompa' sentèk, padjhălănna santa' lèbăt saghără radjă, tambă arè tambă semma' ḍǎ' nagkără paḍoempa'anna ḍărăna. È bakto tengnga malem ma' pas ètjapo' angèn salaboeng, paraona ètongngo kangsè aobă alowanna, molana napa'na ḍă' polo Loegnag semmo modi ḍări arè sè ètantoaghi. Samarèna salaboeng langngè'na bhersè polè, paraona santa' masè njèbǎ'ǎ ombǎ' sè bălǎoe ngadirǎp, mantjer ka polo. Gulliver agher sè napa'a ḍǎ' tèngghǎngan. Sabăb mon ella napa', sarat ella adjhălăn satèndhak sè molè dǎ' naghǎră Inggris. Ta' abit pèngghir sèrèng katjèrra polo, sè aghoemo' bǎto dhoerdjhet ella katon, ladjhoe napa' ḍă' mowarana songajKeloemegenig, ijă arèja bhăbhaghan palabbhoeǎnna polo Loegnag.
Antara saeddjhăm djhăoena ḍări kotta, paraona pas njabbhoer djhăngkar, bǎn aberri' tanḍhă djhǎ' mènta ellos. Antara satengnga eddjhăm ellossa la ḍateng kaḍoewǎ. Djărèja sè ngamoddhi paraona èpalèbăt Fantarana song-ghoesong, rang karang bản paras. Mon ta' ngangghoej ellos, tanto parao djărèja ta' ngennèng maso' ka palabbhoeăn. Ta' abit parao napa' da' tjongappa songaj, ladjhoe maso' ḍǎ' palabbhoeăn semma' ka koṭṭa.
Bădă troes-mattroes sè è djhălăn akanḍhă ḍă' ellos, djhǎ' Gulliver asal ḍari naghără djhãoe. È naghǎră djǎdijă èlarang kerras, ta' kalèllan orèng mantja alebbhoe. Molana parkara djǎrèja pas èatorraghi ḍǎ' pardjadji bhǎndhǎrăn.
Bhǎreng Gulliver ongghǎ'ă ḍă' dhărǎt, ladjhoe ètahan băn pongghăbăna bhǎndhăr, sarta èparèksa tjè' tètèna. Pongghăbă djărèja ngotja' tjara Lapoeta ḍa' Gulliver. Serrèna djhălǎnna dhadhăghăngan nengè Lapoeta băn Loegnag kalèbăt rammè, dhǎddhi ghǎr-sodhǎghår băn dji-pardjadji palabbhoeǎn èdjǎdijǎ tjè' pasèna sè atjatja tjara Lapoeta. Gulliver ijă njaot kalabǎn bhăsa Lapoeta kèja, băb padjhălănanna ḍă' Lapoeta băn ḍǎ' Loegnag. Abǎ'na sè nerrangngaghi kalaban panḍǎ', nangèng djhǎrna'. Abǎ'na nèmbhǎng parlo abettjè'an ta' ngako djhǎ' bhăngsa Inggris, apa bădhán bhǎngsa Bălăndhǎ bhǎi; sabab abǎ'na asaddjhǎ aladjără ḍǎ' Djeppang, mangka sè ollè maso' ka djáḍijă njèng bhăngsa Bălăndha malolo. Molana Gulliver ngotja' ka bhǎndhăr, djhǎ' abǎ'na asal ḍări Nederland, ètjapo' bhǎrăt paraona remmok èseddhi'na pèngghir sèrèngnga Lapoeta, tja-kantjana kabbhi paḍă matè; tjoma abă'na dhibi' sè èkennèng tolong, ijă arèja bi' polo ngabăng. Ta' abit èparèngè èdhi bi' Rato Lapoeta èntar da' Maldonado. Dări djǎdijă pas terros ḍǎ' Loegnag, èntara da' Djeppang. Dhinèng ḍari Djeppang mon băḍă kapal, terrosa molè ḍă' naghǎrǎna.
