This page has not been proofread.
3
Mès quand l'aouribo que roundino
Sur cado tèsto de mourtal,
Sera bengudo, à la sourdino,
Darriga moun darniè badal,
Serèy ta paouc lusen de glorio
Qu'es tout al pus s'à ma memorio
Poden planta sur moun toumbèl,
Noun pas un mounumen durable,
Coumo sul clot d'un fourtunable,
Mès de flouretos un ramèl.
Ma muso bestido de sargo
T'uffris, anfin, soun fagoutet ;
Paoure butin, laougèro cargo,
Ey poou per el quand fara fred ;
S'en le manejan on se pico,
Sera cruchit per la critiquo
A qui tout pares espinous ;
Et fort hurous s'al tems del gibre
Moun pitchou fagot, qu'es moun libre
Nou fa pas crama sous tusous !…
