5
La Garonno qu’abio dinqios à la Giroundo
Un negoci argentous d’un tems immemourial,
Aro que rambiciou countro elo se deboundo,
L’y doston en durbin le Canal lateral.
Paouro bilo ! a boun dret le chagrin te rougagno ;
Car fan per te reboundre, aprèp ta raalaoutio,
Un segoun cementèri al ras de ta campagno,
Ount per Pasquos[1] l’Angles countro tu se battio.
Qui nou te plandrio pas, citat Palladièno,
Quand un fum d'entrigans se disputon l’aounou
D’esclayra tous oustals dam le gaz hidrogèno,
Per fa de tout Toulouso, helas! qu'un fougayrou!
Acos n’es pas le tout : d’un tramblomen de tèrro
Un joun tu periras sense cap de boulcan,
Car per te bese, anfìn, soumeso al noubèl plan,
Diben dins qualque tems fa saouta la poudrièro[2].
