7
Les Mounts-Pyreneèns, gigans de la naturo,
Amantoulats de nèou quand lours flans soun rousens,
Demostron que le foc que les rand tant ardens
N’es pas atusounat per cap de creaturo.
Toutis les animals qu'habiton sur la tèrro
Fan bese qu'un mourtal n'a pas distribuat
A l'agnèl l'inoucenço, al lioun la fìèrtat,
Et la feroucitat à la trayto panthèro.
Las minos del Perou, sourços de l'oupulenço,
Quand elos fan brilla le frount d'un poutentat,
M'anounçon à tout l'or qu'y trobon semenat
Qu'acos le rey des reys qu'a fournit la semenço.
Et la begetaciou, toutjoun miraculouso,
Que traouquillo les rocs ount le fèr s'atourtis,
Me probo cado cop qu'uno roso flouris
Que Diou soul la coloro et la rand aoudourouso.
L'home que nèyt et joun à soun bounhur trabaillo,
Qu'affrounto les perils per embeli soun sort,
Coussi quand bey beni la descarado mort
Nou pot pas se gandi de sa scarrioto daillo?
Acos qu'en nous dounan à cadun la nayssenço,
Le payre creatou se gardo le poude
De retira d'ayci le que trahis sa le,
Coumo le qu'es fìdèl à sa touto puissenço.
