181
Coumo s’abio coumpres l’affrous ebènomen.
Afin d’apazima les plours de soun maynatge
Elo canto, elo rits, ho! soun cor es hurous
De sabe qu’al festin Marcèl èro gaoujous ;
Benio de la quitta la joyo sul bisatge.
Paouro beouso ! as fenit ambe la gayetat,
Car l’anjo tenebrouso à ta porto a tustat!
Grand Diou ! que poudèts tout, soustenèts soun couratge.
Mès quand la joueno mayre apren le sort fatal
D’aquel qu’aymabo tant, pousso un crit qu’es mourtal !
Car sa peno deben ta forto,
Qu’as pès del brès de Marcelin
S’estabanis et toumbo morto !!
Et pu tard, aouloc de festin,
Dos grandos toumbos se crusabon ;
Daban tres capelas, entre dus crusifits,
Dos grandos cayssos s’enterrabon ;
De parens desoulats, de fidèlis amics,
Les èls negats de plours d’aquelo doublo pèrto,
Dessus cado toumbo dubèrto
Dision, en sangloutan, toutis aginouillats,
Un parel de patèrs pr’aques dus trespassats !
Aban que dins lour clot jetèsson à palados
La tèrro que dibio les cobri per toutjoun,
Mathiou s’abanço, et sur las turros apilados,
