— 40 —
Nag ipükoms du tim anik dö dins lindifik, dervid äkonom ome, das nilo plad äbinom ome pesevik, kiöp golüd e nobastons so mödik äbinoms pesävöl, das äkanonöv en fledön kämelis jöls valik, nendas ädalogonöv, das div pilunom.
Kanon bitopön oke nefikulo, liko desidam de Abdalla pästigom, dub nün at.
«Dervid gudik», äsagom, «kis pöfüdos ole, das plad et binom pesevik ole? Binol egelo soalik, ho melakol in vol; jonolös obe pladi et, ofledob kämelis jöls obik ko divs et, ed al blöfön ole danöfi oba, olegivob en ole bali».
Lof äbinom pülik e nenobälik, ab man desidamik, kel älabom ya in fän omik divis valik, kelis kämels jöls äkanoms polön, äniludom sägo, das lof omik ibinom tu gletik!
Dervid, kel ädalogom foviko desidami e monäli gletik de Abdalla, äsimulom no zunön demü vöds omik; äjonom ome ye negidi moba omik, bi nen om ni äsevomöv ni älabomöv bosi de div. Sikod ämekom mobi votik, o. b. nag ifledomsöv kämelis jöls, alim äsumomöv lafı nimas ko fleds omsik. Mob at leno äplidom monälele, ibo pölüdön kämelis fols äbinos ple om vemo düfik, ifi ägetom-la plo atos umo ka miliko völadi. I tik älezunom omi, das dervid äbinomöv so liegik äs om. Bi ämütom ye lesevön gidi moba, e bi äsuemom, das äkanomöv getön voto nosi de div, äzepom mobi.
Nu ägolom kobo al nebel sombal pezümöl fa klifs. Dervid ämekom fili, äfiläbom kosekasmoki, äsepükom vödis klänafulik anik, e foviko älogon in klif yani, kel äbinom ningol de ledom vomo magifik.
Abdalla leno äsenitom bumi jönik ledoma; ädalogom te golüdi e nobastonis, pekumöl in lemöds. Nebü divs at äseistoms saks gletik, kelis äbeginoms fulön foviko, ed Abdalla äpidom te,
