— 51 —
e kälön sägo bineli smalikün. Sikod äkälom vunis de mugil, ägivom ome leüdi anik ed älogom saunön denu nımili.
Mugil äbinom ome vemo danik. Äsukom omi valöpo e no älüvom omi.
Del sembal, du äpledom ko benodel omik, kat blägik änilom klänäfiko ed ilufidomöv mugili, if soalel no idalogom-la pöligi. Bi äbinom magügel valüdik, äceinom mugi in kat gletik, so gletik das kat votik ämogonom.
Kat äbinom, äslik mug, vemo danik soalele, kel älabom vo koteni de dun omik. Pos tim anik, al savön kati plo tom, äceinom omi in dog legletik, poso in xoil, täno in nudahon, fino in nelfan. If ebinon mug e vedon nelfan, — votam lio gletik!
Sukad de votam at levemik äbinom i fätikün.
Mugil danik ilifom püdiko lä benodel omik; nelfan gletik, kel ifögetom löliko dekömi oma bapik, äbinom pleidik de valüd omik; de pleitik ävedom lejeköfik. Ädugonom feilis ed ädistukom flukis de laned segun plid omik.
Feilels äbinoms lezunik dem badods omik. Nelfan at, äsevokoms, keli soalel obsik ejafom dub kelied, mesedom so gudi benodela omik! No kanobs sufön atosi, mütobs funön nimi!
Nelfan yed äsagom oke: ünä soalel lifom, kanom konön alime, das ebinob te mug. Sikod mütom deilön. Ed ägolom äl benodel oma, al lefulön desäni omik.
Ab magügel sembal nolom valikosi kel zidos in lads. Sikod äbinom plepalöl; ed ikanomöv sägo funön nefikulo nimi gletik, ab äbizugom pönön omi voto. Äjedom ome tofis anik vata in logod ed äceinom omi denu in stad oma rigik. Nelfan ävedom denu mug.
